MAH CAKUAT AN REL AHCUN LAITLANG PALIK AN CELH VE LAI LO

Falam Mino Pawlkom nih palek pawl sin ah cakuat an ttialmi cu a tthatuk hringhran. Palek pawl zong mah cabia an rel in an theih asi ahcun an lung afim chin lengmang ko cang lai timi zumh a um. Kawlralkap nih uknak an lak hnu ah duhnak alanghtermi Chinmi tthenkhat hna cu palek nih tleih le auh an si hna. Thantlang siseh, Hakha ah siseh, Falam zongah tleih mi an um len cang.

Hi bantukin mipi nih duhnak an langhternak aruang bik cu Kawlralkap nih uknak an lakmi kan duh lo caah asi. Uknak ralkap nih an lak hnu ah aphunphun in buu kip nih an duhlonak an langhter cio hna. Hi duhlonak langhternak dingah kheengtum le cabia in langhter asi. Palek pawl nih an tleihmi hna zong hi khengtum in ralkap uknak lakmi kan duh lo tiah an tum caah asi, Hi kongah palek pawl nih pawngkam nan hnursuan hna tiah biapi in an chimmi asi.

Palek pawl nih tleihkhihnak an tuahmi konghe pehtlaiin Falam Mino Pawlkom nih palek sin ah cakuat an ttialmi cu, To, Rinhchanhmi Palek pawl, mipi hna nih zeihmanh an ngei lo. An ngeihmi te cu hmailei caan ah zalong tein um khawhnak le Democracy uknak tangah a um khomi mipi si khawhnak dingah ruahchannak an ngeihmi lawng hi asi. Cu ruahchannak cu hriamnam tangah aloh ral dingmi ttih le phang lakah hriamnam hmanglo,

Thaazaang hmang loin, mah inn te ah aneemnak tein an i ruahchannak hmuh duh ah duhnak an langhtermi hi va hnursuan loin zaangfah ko hna mu. Nan nu nan pa, nan u nan nau, nem tein duhnak alanghter mi hi nan tleih ngam ko hna lai maw? Na nu, na pa, na u na nau hacang rial le mitthli tla in an lung akuai, na tleih ngam ko lai maw? tiah an langhter. Atanghi anmah ttialning tein a si.

To, Rinsanmi Palik pawl, Mipi pawl in ziang an nei lo. An neih mi cu Hmailam caan ah Zalen zet ih Um theinak le Democracy Uknak tang ih Ummi mipi Si thei dingih Ruahsannak lawng. Cui ruahsannak Hriamhrei tang ih A hlo ralding Tih le phaang ah Hriam hrei hmang lo, Thazaang hmang lo’n Mah inn te ah A neem zawng ih An ruahsannak Ngah sal duh ah Duh an phorhmi Va thih lo in Zaangfah sawn aw!

Ka rual len’ uh nan nu nan pa, nan u nan nau, Neem tei’ duhphorh mi nan kai ngam ding maw? Na nu, na pa Na u, na nau Hacang rial le Mitthli tlak in An lung a kuai Na kai ngam ding maw? Share nak in kan bawmawk cio pei! Credit: Falam Mino Pawlkom. Note, Hakha ca in a cunglei khi kan langhtermi asi i, aa tlakning hoih in vun ttialmi asi caah palhnak sualnak tampi a ummi cungah rak kan theithiam hram uh tiah kan vun langhter chih duh.

Be the first to comment

Leave a Reply

Your email address will not be published.


*