LAIMI KANPA DR RAL BUAI NIH TRUMP APALHNAK FIANG TEIN A CHIM CANG

America President thimnak hi 1980 thok in voi 4 ka tanh cang. Trump an thim lio zong ah ka um ko. Hilary a ngah bak lai tiah US mipi le vawlei nih an zumh. Result a chuak I, Trump nih teinak a hmuh. Popular vote ah Hilary nih a tei, Electoral College ah Trump nih a tei. Complain tuah khawh Nak tampi a um ve ko nain dai tein a um.USA hi Party majority Parliament system asi lo. President ukhruainak ram asi.

USA a uktu tak tak cu “Constitution” asi. President nih constitution kalh in zeihmanh a tuah kho lo, “No man is above the law” ti asi ko. Trump hi khua bawi hmanh a tuan bal lomi asi. Biden hi Trump nih gambling, hlawh lang, broker-pueisa, casino a buaipui lio caan ah Kum 30 ram le miphun caah a rak tuan cang, President tampi he a tuan ti cang mi asi. American politic hi achung muru tiang a theih.

Trump a palhnak cu Dictator bantukin um a duh. A chuah hlan kum 200 Nak tam nih an tuah MI kha ka peh ti a thei lo. Keimah tluk in Tamada a tuan mi an um lo, Tamada hmasa vialte hna kha “Alaka kaung” a ti hna. Ka duh paoh in Rian ka tuan lai, USA cu ka kut tangah a um tiah a ruah. America cu Constitution UK mi asi ti kha a thei duh lo.Uahnak in a khat MI zomtainak a ngei tuk. Lih chim a zei poi lo. Mirang long minung ah a chiah hna, USA cu white people country ser aa tim.

A kain a chuak mi biafang upa ram hruaitu hmurka asi lo, “lantaze” bantuk asi. Biden zong amah nakin upa deuh, senior tuk mi “sleepy Biden” House of Congress hruaitu senior politiician zong “third class politician” a ti. A rum ngai ti asi I, amah nakin alet 10 in a rum mi an um a thei lo. Biaknak leiah a tuah MI hi, amah hmurka bang “fake le hoax” asi ko. Piangthar hmurka le khrifa lungput a ngei fawn lo.

Atu thideng in a tanh tu Laimi hna hi”animals, rapist, criminals” ati mi chungah Nan i tel dih. Trump caah cun “nasty” an ti hna. A donghnak ah mahle Ram In pi hrawh dih, riantuantu upa vialte thah dih, amah Tamada asi lo ahcun hrawh vialte a duh mi minung hi”tuanbia chia kha bik” asi cang. Politic le Party Kong ka tial lo, MI nung normal life Kong, ethics asi. Comment ah apeh chapmi: Same-sex marriage party policy asi lo, Supreme Court hnatlakpi mi asi.

Democratic party nih an party policy caah an ser mi upadi asi lo. Republican party nih an hlawt mi zong asi lo. Practical lifestyle asi a duh mi Nih an zulh, a duh lomi nih an zulh lo. Biden nih same-sex marriage cu a chap kho lo, a hlawt kho fawn lo. Republican chungah a tuah MI an um ko. Upadi a um hlanah an tuah cang, a um hnu zong ah a tuah lomi an um ko. Democrats nih “pa le PA, nu le nu I um u” an ti hna lo. Republican hna zong ah a duh mi cu an tuah ko. Upadi nih innka a hun piak hna nain Nan zulh hrim hrim lai, upadi asi an ti hlei lo. Sual cu sual asi ko. Credit: Ralbuai.

Salai KB Thawng cabia:Cozah thar ah ahodah Chief Minister le Hluttaw Speaker a si lai? Ka tlangtar hi biahalnak in ka thok bantuk in biachattu ka si lo. “Ruahdamh” sawhsawh a si i prophet zong ka si lo. Ramkheel thlihran ka bih khawh mual in ka hun thai mi a si. Cucaah, a dik lo sual tik ah ka tial mi aa palh tik ah, “Naa palh,” ti khawh a si lai lo.Chief Minister ahodah a si kho? Chief Minister hi cu hlan ahcun Pyidaungsu in tuanvo ngeitu nih an thim tawn hna. Tutan belte, Ramkulh siseh, Ramthen siseh, Chief Minister pohpoh Daw Aung San Suu Kyi nih a thim hna lai, ti a si.

Atulio Chief Minister Salai Lian Luai hi minchiatnak ngaingai a ngei lo. Cun, hmuhton a ngei cang mi a si tik ah cheukhat nih cun Chief Minister a si rih ko lai, tiah an zumh. Asinain, kei nih cun atulio Chin Ramkulh Cozah Chimphuannak Nawlngeitu Sipin le Electric Minister Pu Soe Htet hi ka zumh bik i aa tlak bik, tiah ka ruah fawn. Zeicahtiah, ralbawi rank sang zong a rak tuan i NLD ah direct in a luut than mi a si. Kanmah media nih thim lebang usihlaw, “Soe Htet,” tiah voi tampi au in mee kan pek ko hnga.

Minister dang nih an tluklonak cu, media he zalong tein aa pehtlai kho mi a si. Cheukhat Hluttaw Palai le Ministers cu an riantuannak kan hal kho hna lo. Media cu Cozah le mizapi kar pehtlaihtertu hlei pakhat a si bantuk in media sin ah an riantuannak le an dirhmun a chim ngam lo mi Minister le riantuantu cu zumh an si lo. Zumh awktlak zong an si fawn lo. Kawl holh in, “Vuanci” kan ti mi cu thilrit taktak a phurtu kha chim duh mi a si. Cheukhat cu amah thilrit lawng an phurh i mizapi ca ah thilrit an phur tuk lo ti khawh a si.

Pu Soe Htet cu, a nunnem, ahopoh he bia aa ruah kho. Thilrit aa khinh mi tlam a tlinh. Biachim holhrel zong ah atulio kan Minister hna lak ah amak bik a si.Amah hi Salai Isaac Khen rian changtu a si i kum 2 le cheu lawng a tuan manh nain a rian a tlamtlinh i Chimphuannak Nawlngeitu sinak zong an pek mi a si. Daw Aung San Suu Kyi nih a thim lai, ti a si ca ah ahodah a thim lai cu kan fiang lo nain kei Chief Minister ca ah Pu Soe Htet ka zumh bik.

Ahodah Hluttaw Speaker a si kho? Atulio Hluttaw Speaker a tuan lio mi Pu Zo Bawi cu thimnak ah aa cuh ti lo i midang pakhatkhat nih an tlaih cang lai, ti cu a fiang. Cucaah, kei ka zumh ning ahcun atulio Chin Ramkulh Cozah Upadi lutlai (Advocate General) Pu Sonny Thang Cung hi ka zumh bik. Amah belte, atulio Chief Minister Salai Lian Luai tu hna hi Chief Minister pakhat dirhmun in Minister le Hluttaw sawhsawh cu an pe lo kho men ve.Aruang cu Hluttaw Speaker cu Law (upadi) a thiam mi a si a hauh ca ah Salai Lian Luai zong cu law (upadi) lei minung a si ve. U Sonny Thang Cung zong cu thiamthiam a si.

Chief Minister in direct pi in Hluttaw Palai le Minister sawhsawh ah rian pek hi an i harh kho men. Asinain, tlak ti ahcun Pu Sonny Thang Cung aa tlak bik mi a si. Amah belte, biahleichap ka duh. Ahoho kan chuah le kan tlin zong ah, “Kei cu mizapi nih mee peknak thawng in hi dirhmun ah ka dir,” ti hi philh hna hlah usih! Kanmah ca nakin mizapi ca ah rian a tuan ding mi kan si ti hi kan philhlo a herh. Hluttaw Palai si, Minister si, Hluttaw Speaker le Chief Minister si bu in kan i rumnak sual ahcun cucu kan lih le hrokhrawl in rian kan tuan tinak a si lai.Zeicahtiah, kan thlahlawh (lahkhah) men in rum, ti mi cu a si kho lo tuk mi a si.

Ka bia ka fun lai. Cozah thar cu Hluttaw hi February ah fehter a si lai i Cozah thar zong March thla chung thiamthiam ah an kai ve lai. Tutan Cozah thar Chief Minister ding ah ka zumh bik mi cu Pu Soe Htet le Hluttaw Speaker le Deputy Speaker ah Pu Sonny Thang Cung le Salai Lian Luai ka zumh bik hna. Biatang kaa danh bantuk in hihi a dik hrimhrim lai, a si hrimhrim lai, tinak a si lo. Laknak: The Hakha Times

Be the first to comment

Leave a Reply

Your email address will not be published.


*