LAI CAPO SEIHTHIAM PALEUH THANG NIH MIN AUNG HLAING A PHOMH VE CANG

Lai capo seihthiam minthang Paleuh Thang zong Kawlralkap bawizik Min Aung Hlaing tuahsernak cungah aa sum kho ve ti lo, fak tuk in a tthuat ve cang. Min Aung Hlaing sullam a vun langhter mi cu khuaruahhar ngaingai asi ko. Paleuh Thang nih Min Aung Hlaing cafang pakhat hnu pakhat in laica tein a vun langhter i, Min Aung Hlaing cafang sullam a ttialmi cu atanglei bangin a si.

Min Aung Hlaing. M: Myanmar ram,tlaih hrem tu ral bawi chia, I: iang ngei lo, na mui sam vok ek bang, N: Ning zah nih, an kal tak, A: A poi lo, na chan tu tawi hraam seh, U: Ui co tluk lo ruah nak he, ram hruai nai tim ve, N: Nang mah bang,hruai tu kan herh lo, G: Go to the hell, H: Huat tlai pa, thau lilh lulh pi in, L: Luak chuak in, na zia za, A: An chim iran ral bawi bang, in that te hna seh, I: ing puang in, na kan chiah,na ram mi vial te, N: Ni ceu dawh, khua mui ah,ser nai tim, G:good job ti awk ah,na si lo hrim2. P: pa leuh thang lung fah celh lo ah ka zai ve. Paleuh Thang

Ahman Khotuk: Rampi Zatlak A Ton Lioah Ralkap Thiam A Cotermi Zong A Rak Um Ve Hoi! Rakap cawlcanghnak thiam a coter mi tete an um lenmi ka hmuh hna i ka khuarua a har tuk. 2008 phunghram a theimi nih an chim tawnmi cu “coup mechanism in waiting” an ti. Duh tik poah ah uknak lak than khawhnak lam an i sermi a si an ti.Cucaah ram a tha cang lai kan ti lioah uknak an lak than i cozah riantuannak lamtluan vialte an thlennawn than dingmi cu a poi ko.

Tu ning in a kal ahcun ramdang sanction a um thluahmah than lai. Ahodah tuar lai? Mipi an tuar ko lai. Ram a tuar ko lai. An hrut lo i, mipi huat zaawng cun a kan hruai tuk lem lai lo. Anmah nih nawlngeihnak vialte an tlaih dih lai i a caan ah ram daw ngai le ram a sersiam ding phun in an chim rel lai. Asinain ralkap nih ram a hruainak ah ram a tha bal lo. A thangcho bal lo. Ram hruaitu ding zong ah zeitik hmanh ah hman le ruah an si bal lo.

Uknak an laknak ding a ruang hrim a um lo. Phunghram an upat ko ahcun Court ah tazacuai khawhnak lam an ngei. Asinain an sungh dingmi an i hngalh caah an i tlerhkhawng i an bu thing ah ram an luh pi than. Cheukhat nih Suu Kyi le Election tuanvo ngeitu mawh hna ah an chiah hoi. Phung le lam cungah a kal cangmi an si bantukin anmah nih thimnak aa lim cang hnuah zeidah an tuah khawh ti.

Court lawng ah lungtlin lonak cu fight khawh a si cang. Nan lungtlin lo cun thimnak kan tuah than hna lai ti kha Suu Kyi rian zong si lo; Election tuanvo ngeitu rian zong si lo. A hngakchia tuk.Court nih biachahnak a tuahmi poah zulh ding lawng an ngei cang. Ralkap nih an cohlang kho maw? No. Hramhram in meithal put in nawlngeihnak chuh kho a si ko. Thiamcoter ding pelte zong um lo; an ngei fawn lo. Thiam a cotermi hna he ralkap he ningzak an si. Credit: Luther Tinhre.

Be the first to comment

Leave a Reply

Your email address will not be published.


*