KYAW MOE THUN THAH TIMHNAK KONGAH PAKHAT HMANH KAN I TEL LO

Kyaw Moe Tun thah timhnak kongah pehtlaihnak kan ngei lo tiah ralhrang kawlralkap nih thanhnak an tuah. Hi konghe pehtlaiin Myanmar Military Foreign Minister nih a chimmi cu Kyaw Moe Thun thah a timmi hna hi US minung an si. Hi buainak ah hin Myanmar Military Council he pehtlaihnak pakhat hmanh angei lo tiah a chim. Hi kongah hin pakhat hmanh pehtlaihnak a um lo.

US cozah nih an phunglam or upadi ningin action an lak dingmi asi ko tiah a chim. Thanhnak tuah cang bantukin Kyaw Moe Thun cu minung pahnih thah an timh. Asinain US rianngeitu hna an tlaih hna. Ralhrang nih an timi cu Kyaw Moe Thun hi rampi rawiphirtu a si pin ah case a ngeimi a si tiah a chim chih rih. Kyaw Moe Thun thah timhnak kongah ramdang hruaitu hna zong an lung afak cio hna.

Ralhrang kawlralkap dirhkamhtu hna nih thisen tiang chuah an timh mi kan doh hna lai i, Kyaw Moe THun lei ah kan dir peng lai tiah US le UN Ambassador hna nih an chim ve. Kyaw Moe Thun cu a liamcia zarh in khan hrocernak arak tong i, US nawlngeitu palek hna sin report a rak pek. A rauh hlan ah mi sual pahnih cu an tlaih cang hna.

Myanmar army fires ambassador to the UN after anti-coup speech | Politics  News | Al Jazeera

Thawngpang dang. Ralhrang hna nih ngeihthiamnak an halmi cu chungkhar hna nih an cohlan lopin ah biadik a chuah khawhnak dingah hmunkip kan kal lai an ti. Ralhrang kawlralkap or palek hna nih sualnak ngeilo an tlaih i, an thah hnu ah chungkhar hna cu ting 30 in ngeihthiam an hal hna. Thilsining cu hitihin a si. Ayeyarday ramtthen Mya Aung Myone Tha Pye Gone khua ah mino pathum hna cu August ni 7 zingah an tlaih hna.

Atlaitu hna hi palek pakhat le uniform zong aa hrut lomi minung pakhat an si. Biahal ding kan in ngei hna tiah an tlaih hna. An tlaihmi hna mino pathum lakah kum 21 a simi San Win a nunnak aliam. A tlaitu palek nih a chimmi cu keimah bak nih nungdam tein inn ah ka rak chiah tthan lai tiah a nu le a unu sin ah bia a kamh hna. Asinain San Win cu a nunnak a liam.

August ni 9 ah San Win a tlaitu palek le a hawipa cu chungkhar hna inn ah an rak ra i, San Win a thihnak kong an chimh hna i, tangka ting 30 in ngeihthiam an hal hna. Rak kan ngaithiam hram ko uh tiah tangka tin 30 in nawlnak an tuah hna. Hi konghe pehtlaiin San Win a u Nu nih a chimmi cu zingka ah ka naupa cu an tlaih i, myone zohkhanhtu kan si tiah an chim.

Asinain zeiruangah dah an tlaih timi tucu an chim lo. Kan rak chiah tthan ko lai tiah bia an i kam. A thaizing ah kanu cu palek sakhan ah a vakal. Asinain kanu cu an rak hro i a rak ttin tthan. A zan lila ah ka nau a thihnak kong cu sang mipi hna aw-an in kan theih. Ka nau cu zeibantuk buainak hmanh ah aa tel lomi daitein a ummi a si tiah a chim. San Win thihnak kongah biadik a chuah khawhnak dingah hmunkip ah kan kal lai tiah an chim.

Be the first to comment

Leave a Reply

Your email address will not be published.


*