KUT TUM NGAW HMANH ASILOMI CU HONIH DAH AKAN TIHZAH HNGA

Hakha ah kumkhat ah in hmun 2000 acre lengmang samh hna seh law cun saknak permit zawng fawite in tuah piak hna seh law, kum nga kum hra ah cun Chin state bungsaka common language cu Hakha hawlh asi ko lai%. Atu cu inn hmun an poah ter hna lai i a saknak permit caah tangka tampi an hal than hna lai, a ruang cu Chin NLD nih election i Chin state cozah tangka an hman mi cham than an duh caah asi.

Mipi zawn ruah ah asi lo. Hakha ah inn pakhat saknak permit an kan pek duh lo lio ah mizo ram ah tukum he cun inn a pa hnih nak kansak cang lai kan dam ah cun, Pathian a tha.Kan mah lawng kan si lo lai mi inn a sa kho mi poah2 cu permit a har lo. Inn tha tha a asak mi zawng an tawr cang. Hakha ah cun Kut put tam nawn te i ken lawng ah inn sak nak permit pek hei ti phun asi.

Kan ram hmanh asi lo mi mizo ram ah inn tha tha sak a fawi deuh a rang deuh.. kan tang ka cu mizo sin ah a lut dih cang ko rian zawng kan ser piak fawn hna. Khua a tuak mi hruaitu le khua a tuak lo mi hruaitu an i thlau naK cu hihi asi. Duhlian hawlh a hmang tak tak mi origin cu an tlawm tak tak khi asi. A si na in mi phun dang fanai, pachuau, ralte, sailo, hna nak in a let thawng hra in an fim deuh nak cu aizawl an kkhualipi ah khin a rannak in inn an sak ter hna i an hawlh in influence an tuah hna.

Hakha ah khin lai mi, mi zei mipbun poah nih inn nei khuasa hna seh law an hman ding mi hawlh cu Hakha hawl asi ko lai kapalh hnga dek maw… mirang miphun asi mi Siangbawi nu le siang bawipa zawng hakha hawl an hmang ko. Hakha cu Aizawl i veng/sang pakhat tluk hman a si lo.Kut tum tia hmanh asi lomi khualipi cu a ho nih hme a kan ttih zah hnga. Credit: Khamh Bawi Lian

US Kong: January 6, 2021 I, US Joint Congress Session Ah VP Mike Pence Le Trump Nih Biden Cu President Elected In Thlak An Timh. House Speaker ah Nancy Pelosi an thim than. DC, Whitehouse ah buainak a chuak lai. A voi 117 nak US Congress Session cu 3/1/ 21( Sunday)ah an nei i, MP mithar 117 hna cu biatiam kamnak an neihpi hnu ah US Congress House Speaker thimnak ah Democratic Nancy Pelosi 216 nih Republican Kevin Mc Carthy cu 209 a tei ca’ah Kum 2021-2024 tiang Speaker a peh than lai. Hi Congress Session ah hin MP Nu 121 le Pa 124 Meeting ah an i tel. 4 January 2021( Monday)ah President Trump le Joe Biden cu Georgia State i Senate thimnak caah Campaign an tuah lai. Hi Georgia MP 2 thimnak hi Republican le Democratic pawl ca’ ah a biapi ngai ngai mi asi.

Tulio Senate House ah Republican 50 le Democratic-48 an si i, Seat 51a hmutu hi teitu(Majority) an si lai.Democrat lei nih Seats-2 an lak sualah cun, 50-50 an si lai ca’ah Vice-President asi mi pohnih teinak Vote pek khawh ding asi. A tutiang aa cuh dingmi Vote an dirhmun cu Mr.David Perdue(Rep)48.5 %,Mr. Jon OssOff ( Dem) 48.7% le Mrs. Kelly Loeffler (Rep) 47.3%, Mr. Rev. Raphael Warnock ( Demo)49.1% an si i, 5/1/2021 ah thimnak an tuah lai. Zumhning ah Demo-1 le Rep-1 ve ve hmuh dawh an si. 2021 US President asi dingmi caah 6/1/21 ah US Congress le Senate pawl Joint House Session cu Vice President Mike Pence hruai nak(Chairman) in Certification Pawmpiak/Piaklo nak an nei cang lai.

US daanpi 12 Amend ning cun, Chairman nih hin Electoral College nih Votes an rak thlak cangmi kha hei pawmpi men ding khi asi tawn. Sihmanhsehlaw tutan 2020 thimnak cu BIDEN lei Democratic pawl nih Votes dik loin an fir tiah President Trump pawl nih an puh caah Republican MP 12 le Congress Member MP 140 leng nih Biden lei (Complain)duh lohnak tuah i President Elected in thlak an i timh. US House of Congress ah hin Democratic nih Seats 222 an nei i, Republican pawl nih Seats 212 an nei ve.

Teitu Majority cu Seats 219 asi. VP Mike Pence nih cun, BIDEN thlak timhmi pawl sinah lunglawmh bia amah Chife of Staff Marc Short sinin a chim i, Trump nih teinak a hmuh nak hnga rian ka tuan lai ati. Hi President Trump a tanhtu Republican Senators pawl cu, Ted Cruz of Texas, Louie Gohmert,Mitt Romney hna nih an hruai i, Ron Johnson, James Lank Ford, Steve Daines, John Kennedy, Marsha Blackburn, Mike Braun pinah MP thar Tommy Tuberville, Cynthia Lumis, Roger Marshall le Bill Hagerty pinah a dang Murkowski, Susan Collin of Maine, Bill Cassidy of Louisiana le mi dang pawl an si.

December 14,2020 Electoral College Votes an thlak ah khan Biden nih 306, Trump nih 232 an hmuh i House Congress zongah Democratic pawl an tam deuh ko nain, US Constitution 20 Amendment Section 1 ningin Republican GOP group mi-12 nih zumhlonak( No- Confident) an tuah i Chairman nih a pawmpi ah cun, Electoral Inquiry Commission cu dinh asi lai i Ni. 10-17 chung hlethlai ( Audits) nak an tuah khawh.Cun Chairman nih Election Certification dih lak a pek duh lo i Biden le Trump ih EC Votes 270 an tling lo veve ah cun, 25 Amendment ningin Congress House Speaker nih Acting President cu caan zeimawzat a tlaih khawh lai.

Cu asi loah, States 50 kip nih MP-1 cio i thim in, cu hna nih cun US President ding cu Vote pekin an thim than lai tiah Professor Steven Vladesk, Texas Law University nih a chim. Cucaah,President Elected Joe Biden hi tling dingin ruah cia mi asi nain ruahlopi ah Trump lei nih hin, buaibainak an chuahpi tha’n khawh mi asi. Cuti i thil a kal sualah cun, January 20, 2021 ah BIDEN hi President ah tiamkamnak lak ter khawh dawh asi lo.

US Constitution phungpi 20th Amendments, Section-1 ah cun President hi January Ni.20 Chunlai 12 noon bakah lak ding asi tiah tial asi. 6 JANUARY 2021, 11:00 AM bakah President Trump nih US Mipi vialte le amah Supporters pawl cu Washington DC, Whitehouse hmai bak ah a mah le Republican tant dingin sawmnak a tuah dih cang. US cu tihnung ngaingai asi ko cang. Chinmi pawl kan i ralrin tak tak a hau. Credit: MC Biklian

Be the first to comment

Leave a Reply

Your email address will not be published.


*