KAN NAWL KO HNA, CDF LE CNF/A KAN TAWLREL PIAK ZOKZOK UH

Chinram dohthlennak ah dawnkhantu bik pakhat. Ram dothlennak ding caah; hriam aa tleih mi, speak out, biak chawnhnak lei in le CDM lei cun adangdang lei tampi um lai. cu hna lak ah abia pibik tiah ka ruahmi le ram pakhat cozah a dir ter kho bik asi mi CDM hi bia tak tein thazaang pek le kan dirhkamh in kan bomh a herh tuk. A cung lei kan van langhter mi Dothlennak hna cu CDM tuah loin cozah pi cu akal kho thiamthiam nain hna cu a hnawh ngai ve ko.

Cozah rian tuan hi CDM viar hna sehlaw cozah pi cu adir kho lai lo. Acawl acawl bak lai loh. kawl rallokap cu ram lak i a um sawsawh mi tapung men an si ko lai. Cu caah a tu dotlennak ah kan CNA/CNF/CDF cun acawlcang mi kan mino hna kan chinram rallokap cozah adir arawh khawhnak ding caah CDM atuah lo mi hna kha rallokap abawm tu an si ko caah Warning pe hna uh, an ngeih lo ah cun an zung ah bomb puah hnawh hna uh rallokap bawm tu cu an thih zong ah apoi nak aum lo atha chinchin.

CDF/CNA/F rak kan tawlrel piak zokzok uh. Abik in Uknak lei zung khi rallokap thing lawng te an si pin ah an lor tuk CDM atuah mi Zatkaa ah athar tamtuk an oh cang, adang department zong ah cu thiamthiam tam tuk asathu an oh cang lungre thei asi ko. CDM asathu khawh dih ah cun kan dothlennak cu thahnemnak um ti lo bantuk si cang lai.

A bik in nawl kan duh ko hna CDM tuah lo mi cozah rian tuan rak kan tawlrel piak zokzok uh an zung zong bomp zokzok hna uh. kan pawngkam CDM tuah mi hna zong an awlok achawng cang an pawcawm nak caah luh than aa tim mi hna an um ka theih pah cang. cu ti nan tawl rel lo ah cun kan dothlennak cu ngeih chia asi ko lai. kan nawl hna kan nawl hna. Catialtu: NN

No description available.

Bisho Dr. CK No Chum Cabia: COVID-19 thihnak hi Pathian hremnak a si maw? Mitampi nih atulio Covid in a zawmi le a thimi hna kong ah Covid-19 hi Pathian hremnak a si, Pathian chimhhrinnak a si tiah khoikamaw Bible caang tete khi i lak in prophet ka si tiah i hro le i cer le mi ṭhihphaih pah in a au sekmi an um len. Dr. CK Hrang Tiam zong nih a phungchimnak ah, “USA um mi prophet pakhat lebang nihcun Covid in a zaw i Oxygen he a thimi cu Hell ah an kal lai a ti,” tiah a kan chimh. A ping le a pang in kan zumh sual nakhnga lo, 1 Thessalon 5:9 kha rel hna usih. Zeitintiah, Pathian nih a thinhunnak intuar ding ah a kan thim lo, kan Bawipa Jesuh Khrih thawng in khamhnak hmuh awk ah A kan thim. Cucaah Pathian hrem le thah ding kan si lo ti i fiang in i lawm hna usih.

Pathian nih A thinhunnak A bungh/tawih lai ahcun A thimmi Noah le a chungkhar hna cu a khamh in a fimtawl hmasa hna. Cu bantuk ṭhiamṭhiam in Sadom le Komorah khuapi ah Pathian hremnak mei A surter hlan ah A thimmi Abraham tupa Lot techungkhar cu a fimtawl hmasa hna. Cucu asi, Pathian thimmi hna caah cun A thinhunnak tuar ding ah si loin Jesuh Khrih thawng in Khamhnak hmuh ding caah thim kan si,” tiah a kan chimh mi sullam cu a si.

Pahnihnak ah Hebrew caṭialtu nih Heb. 12:6 ah, Zeicahtiah Bawipa nih a dawtmi hna cu dan a tat tawn hna i fa i a cohlan mi hna cu a chimhhrin tawn hna, tiah a ti. Ahmaan, chimhhrin cu dawt ahcun a um mi a si ko. Asinain, cucu kan thih nakding ca ah si loin kan i chir, ka i sersiam in kan ṭhat nakding caah Pathian tinhmi a si.Covid-19 hi Chimhhrinnak a si a ti mi an um ve tak i, si dawh ngai in an phuan ve ko nain,  thi lak i chimhhrin” cu chimhhrin a si kho lai lo dah.

A chimhhrinnak i a thih ahcun a chimhhrinnak cu a ṭhahnem ti hnga lo. Chimhhrin cu i chir seh, i thleng seh, tinak caah si kaw, thih hnu ahcun an i chir kho ti lai lo cuh. Kan pastor ṭhaṭha le kan mi ropui tampi hna hi an sual ruang ah Pathian nih thi lak in a chimhhrin hna ti cu ka tuk a sum tuk. Asi, David zong kha A dawt caah A rak chimhhrin bak ve. A chimhhrin mi David nih ka sual ti aa hngalh i aa chir khawh nakhnga, muidawh ruang ah a tlukpi mi Uraiah nupi he an hrin mi fapa te a thi. Khakha chimhhrin cu a si. Cucaah David zong aa chir ruangmang ve ko khah. Kan pastor tampi an thi, ram le miphun nih kan i bochan mi tampi nih an kan liamtak. A si kun ah, an nupile Pathian nih A chimhhrin hna kan ti ne hnga maw?

Satan cu fir ding, hrawh ding le thah ding ah a ra. Kan pi Eve le kan pu Adam in a kan hrawh i a kan thah cuahmah ko hi teh. Kan pum cu a hrawh khawh ko nain Zungzal mi kan sinak cu a kan tawng kho lo. A kal hmasa hna he kan i tong ṭhan te lai. Haleluijah. Zeicahdah Vawlei a dawt caah A fapa hmanh petu, Dawtnak le Ngaithiamtu Pathian hi A ing a chiami, A thin A hung pengmi, A tlanhmi A fale thah le nawn rumro a ruatmi phun rumro hin an hmuh hnga? Pathian cu sual ngaithiamtu, damtertu, dawtu le khamhtu Pathian hi A sining tein an hmuh khawh ve i ṭih le phannak he si loin hnangam deihnak he lawmhnak an chim ve khawh nakhnga thlacampiak bu in, Bishop Dr. CK No Chhum

Be the first to comment

Leave a Reply

Your email address will not be published.


*