JOHN F KENEDY SPEECH LE SALAI LUNG THLI TUM LUNGPUT

John F Kennedy Speech Le Salai Lungthlitum Lungput. Pathian nih David cu ka thinlung ngeitu na si a ti bangtuk in John F Kennedy nihhin Salai hi van hmu ve sehlaw ka thinlung ngeitu na si a ti ve bak ko lai. Ram sersiamnak le duhsaknak lei ah Pu Trump lungput zong a ngei rih. Chanbaunak cu an ngei cio ko lai hme teh mu. Hibantuk minung hi John F Kennedy nih an ram sersiamnak ding caah a rak hlam tuk ve mi le Ram pakhat nih a herhtuk mi bia kha tawi fiang takin a rak langhter.

35th US president John F Kennedy nih American mipi hna thazaang peknak le Cold War challenge tuahnak ding caah biatawi chim ai tim. A adviser lakah ai neih bikmi Ted Sorensen sinah a chim mi cu “I don’t want people to think I’m a windbag.” Point um lo in a bia a sau mi ah ruahmi si ka duh lo a ti. A chim mi cu pakhatnakah Amercan mipi hna, Ka ram nih zeidah a ka tuahpiak lai ti nakin zeidah America ram caah ka tuah khawh lai tiah hal uh tiah a rak chim.

US President speech lakah a tawi cem asi. Sullam zong a ngei cem asi. Salai Lung Thlitlitum hi ka zoh lengmang tikah John F Kennedy nih a chimmi bia ningin ka ram caah zeidah ka tuah khawh lai tiah sinak vialte mipi caah i pek in Chinram sersiam ai timmi mino asi. Kan Ram nih hibantuk ruahnak le dinfelnak a tanhmi mino upa tampi an kan herh.

John F Kennedy nih a chimmi bia hi i zohchih pengin Zeidah kan ram nih a ka tuah piak khawh lai tiah pumpak hlawknak mit a auh deuhmi MP ai cuh mi le Zeidah kan ram caah ka tuah khawh lai tiah mipi sal dirhmun i thim in MP ai cuh mi hruaitu(A lawng) a si lai dingmi hna hi mipi nih ram dawtnak thinlung le ramkhel mit he tha tein kan zoh i kan ram sersiamnak ding caah thim thiam dingin tuanvo kan ngei hna. Ram sersiamnak ding caah a tuantunak in a thimtu kan biapi deuh. Credit: Al Bik Lian Zaathang

Relchih Thawngpang dang. President Donald Trump nih supreme court i biaceihtu rian a lawngmi ah nu ka thim lai” tiah nizan i North Carolina i election campaign a tuahnak hmun ah a chim. Hmaizarh chungah aho timi cu ka thanh lai, “A very talented, very brilliant woman a si lai tiah a chim.

President Trump nih a thim lai tiah an zumhmi nu pahnih an min an chuak, Amy Coney Barrett le Barbara Lagoa ah pakhat khat an si lai tiah zumh a si. President Trump nih biachahnak taktak cu hmaizarh chungah a tuah lai i a thanh colh lai ti a si. President Trump nih nominate a tuah hnu ah Senate Judiciary committee nih hearing an tuah lai i, an cohlan hnu ah Senator minung 100 chung i a tam deuh duhnak in fehter a si lai.

President Trump nih 2016 election lio tein Supreme court i biaceihtu rian a lawn ahcun khrihfa hna zumhnak le US constitution ning tein a pommi conservative judge ka thim lai tiah bia a rak i kam bantuk in minung pahnih a thim hna hnu ah tutan hi a pa thumnak thim a timhmi a si. US evangelical khrihfa hna nih Donald Trump an ttanpinak cu mah ruangah hin a si. Credit: Salai Lairamthang

Be the first to comment

Leave a Reply

Your email address will not be published.


*