HI VIALTE HI KHOIKA DAH A SI TE HNGA, SALAI CBT CABIA HNU AH

Zasang Cinzah Ttialmi: CNLD General Secretary Salai CBT nih a feibuk ah “MP kai cuh than lailo ee…” tiah a tial.Cutin a von tial hi Pu Lal Maung Cung nih a feibuk in “Thantlang CNLD nih aa cuh ding fehtermi hna cu Pyithu Hluttaw ah Pu Van Bawi Lian, Amyotha Hluttaw a lawng, Cun Pyine 1 ah Pu Lal Maung Cung le Pyine 2 ah Pu Rung Kaw, Hnaring hi an si i, CEC lei in zeitindah an ruah te lai” tiah a taar hnu tlawmpal ah Salai CBT nih Primary Candidate aa cuhnak in aa hngolnak a von phuan hi a si.

Pu. LMC nih a taarmi zong cu a hnawh tthan ve cang.Salai CBT nih “Kan party hi Peng(Township) 24 ah kan dir i arauh hlan ah Peng 30 tiang dirh kan i tim. MP hi hmun 50 leng kan i cuh lai.” tiah a ttial chap.Chin State ahhin icuh khawhnak MPs seat hi Pyithu, Amyotha le Pyine dihlak fawnh in 39 a um. Hmun 50 leng ah icuh an itimhmi cu a tam ngaingai. Chin Affair minister icuh khawhnak hmun hi sagaing le Rakhine State ahhin an icuh lai tiah ka ruah i hmun dang an icuhnak ding peng hi, khawika dah a si te hnga?

Salai Ceu Bik Thawng Ttialmi:MP kai cuh than lailo ee– ramkhel dothlennak lamthluan caah a biapi in a har ngaingaimi biakhiahnak pakhat cu ka hun tuah than cang.Kan party hi Peng(Township) 24 ah kan dir i arauh hlan ah Peng 30 tiang dirh kan i tim. MP hi hmun 50 leng kan i cuh lai.Party GS lutlai pakhat ka si caah cuvialte huap in kan party nih teinak bual kan conak ding caah tuanvo ngeitu bik pakhat ka si bangin tutan thimnak zong ka luh lo a tha deuh ko rih tiin lungthlehnak ka tuahmi hi asi.

Keimah pumpak in MP cuh le Lairam cozah/parliament ah hruaitu pakhat si cu ka duh i ready zong ka si tiah kai ruat ve ko. Asinain kei cu ahramthawk in nihin tiang keimah pumpak duhnak kha number one ah ka chia bal lo.MP cuh a ka fialtu, a ka dirpitu, ruahnak a ka petu nan dihlak cungah kaa lawm.

Tuhi khuallam ka um lio le ka retheih ngai lio asi caah dawtu hna nih pumpak thawnghalnak messanger/viber pawl kan leh thlu khawh hna lomi a ruahzia nan ka thiam naklai zong kan nawl hna.Bawipa remruat si hram ko seh.