HI MANG A SULLAM A THEI MI PAOH NIH CU UPAT TLAK BAK NAN SI LAI

Ka Hna A Ngam Tuk Ṭhan. Nizan ka tak a lin pah i sau ṭhut ka huam lo.Cucun Ruah lo tukin Interview an ka tuah. Kawl Media: Zei ruang bik ahdah NLD hi thi deng in na kan ṭanh? PPP:Kan Miphun nih kan mahtein lai i rel khawhnak ding hi nanmah Miphun Ngan Party lawng nih hin nan kan tuahpiak khawh lai,Federal State zong hi nanmah nih nan kan norpi lo ahcun kanmah te cun kan i tuah kho lai lo.

Nanmah Kawl pawl nan lung kan in tluanh khawh hna lawnglawng ah nan kan dawt lai, nan zaang nan kan faak lai i zaangfah siaherh in nan kan pe te hmanh maw ti hi le nanmah nan ṭhawn hmasa lawngah kannih santlai lo Chin miphun hi nan keng cungah nan kan puak khawh lai ti hi Chin patling aa timi pawl nih kan tuakmi a si.

2015-2020 zongah kanmah nih kan i phu lo bakmi VP 2 nan kan pekmi zong kha nanmah Party sinah zumh awk tlaak tein kan um caah a si ko lo mei?Kanmah Miphun Party bak ah rak dir dih usihlaw,,a zei a zoh hmanh nan kan zoh duh lai lo cu. Atu Chin State ṭhanchonak ,SURBUNG VANLAWNG BUAL, CIKKHA to PALETWA tiang motor lam vialte,

MAHA DAT AA Line nan kan zampiak dihmi te hna, Bawinu tiva Hlei nan kan donhpiakmi te hna,Singinn nan kan sakpiakmi te hna,Si-inn thar nan kan pekmi te hna.Timit Dam nan kan tuahpiakmi te hna.,Rumra a ngei tukmi AUNG SAN Milim tuah nan kan timhpiakmi te hna,HKA-MATUPI lam nan kan kauhpiakmi te hna..HKA khuachung NYLON KAṬAYA nan kan phahpiakmi te hna.

CHIN STATE HLUTTAW nganpi nan kan sakpiakmi te hna,Timit dam nih ti a kan pek khawh hoi tilo tikah HKA khuachung ah Tikhur( A-WI SIH DUIN) hmun thum hrawng ah nan kan tuahpiakmi te hna…ka chim cawk lai lo nan kan dawtnak..Cu vialte cu nanmah NLD Phaisa Lawngte a si ko lo mei…Ka biadonghnak ah KAN I LAWM TUK Kan BAWILE Kawl miṭha le Chinmi a kan dawtu hna..tihi chim ka duh.Kum 5 dang zong hi zaangfahnak tein rak kan uk rih ko u..

Kawl Media: Na hei molh khawh ve ning hi,Nanmah Covo hrimhrim a si komi zong kanmah Kawl pawl pekmi ah nan ruah dih.Mah vialte kha rampi in kan i hrawm dih mi ACOZAH PHAISA a si khah.NLD le USDP PHAISA ah nan ruah peng hna caah hin kan in dawt khun hna i kan zaang zong nan faak khun.Zuat thanuam Sal Lungput a ngeimi miphun nan si.Tutan zong NLD caah thihngamh in rak kan aupiak rih te law..Zeimalo te Muṭhai ( Sweet) kan i phalh(pek) ṭhan te lai muh..

Cu a bia ka hun theih cun ka lung a hung fim ruaimai,Ziah mah interview hi zei bantuk interview hen a si?Ka biachimmi pawl kha Ram le Miphun a dawmi ka miphun hawi nih an theih ahcun bialo ka si ṭung lai.Mi hmai ka khah ṭung lai lo..ka ti i,,interview a ka tuahnak a camera le video tal hi chut tuah ning hrawhpiak dih tuahning ka ti..ka zuan hnawh..camera le video cu kan i chut, saulak kan i tuai hnu ah ka thlanhripi nih a ka paih dih cang,,ka tha zong a ba tuk cang.

Adonghnak ah thih le thih ti in ka zuan hnawh pahin thang taktak in..”KHOI PASAL” tiah ka au cu,,ka cang tiang lan lakin ka au i kaa hlau beh,Ka cang tiangah ka thlan a rak chuakmi a rak tam tuk,,ka angki liangbah zong a rak ciin dih.Ka thin bak biatak tuk in a hung manh.Kaa nautatnak nih dang khat.Asinain Ka mang a si ti ka hun hngalh i,

KA HNA A NGAM TUK ṬHAN. Kak zuai in ka ni i ka khel kaa let ..Kaa hngilh ṭhan i interview a ka tuah ṭhan citcet ah cun a hramthawkte in keimah nih cei lakin ka phonh ve cang lai ka ti.Ka chim dingmi bia zong kaa ruat cia dih. Cucu Nelrawn pangpaar SA-PE PAAN cu rawn ah va paar ve ko ulaw,

Tlangcung pangpaar TLAANGCHOKHLEI cu tlangcung ah kanmah paar in kan rak paar ve ko lai mu” 2020 ahhin cun SA-PE PAAN kha Chinland ah kan paarter ti lai lo”..ti in, NOTE: SA-PE PAAN cu nelrawn ah a paar ah aa dawh bik bantukin TLAANGCHOKHLEI zong tlaangcung ah a paar ahhin aa dawh bik ve. PPP. Canada. Credit: Tawk Cung