HAKHA MIZAPI SIN SAWMNAK: THAWNGTHEIHTER CIO HNA USIH

Hakha Mizapi Sin Sawmnak. Ralkap uknak duhlonak langhternak caah tuzan suimilam 8:00-8:15 kar Hakha khuachung ummi dihlak nih kanmah le inn cio tein umkheng tum dingin kan sawm hna. Hi lio caan ah Motor, Cycle, Tungbing aa citmi zong nih nan kalpah in minute 15 chung nan icit mi hawn cio kha a thang bik in tum ding a si lai.Cun 8:15-8:30kar ah kan inn electric mei hmih dih cio in kan ram caah Pathian sin thlacamnak kan ngei hna lai.

Biakilh: (1) Hohmanh innleng le lam cung ti bantuk ah chuah in umkheng tum lo ding. Mah le inn cio in thlalang awng asilole innka hun i tum ding. (2) Motor, Cycle le Tungbing zong dir buin siloin kal pah in tum ding. (3) Palek nih tlaihkhih phun a um ahcun mah le sang kip mino hruaitu chungin theihhngalhmi a rangbik in pehtlaih i thawngtheihter ding. (4). Atang ah khan copy paste tuah in hi ca hi facebook ah rak i post cio le kiangkap thawngtheih ter cio izuam hna usi. Credit: CBN

Zasang Cinzah: 1990 ah Ralkap nih NUP party an ser i election ah an lut. NLD (Aung San Suu Kyi nih a tei hna caah nawlngeihnak an pe duh lo. A thar in phunghrampi ser an i thawk tthan.Anmah nih a zungzal in Cozah an ser khawh peng dingin an thluak vialte chuah dih in phunghrampi/constitution cu an ser. Kum tam taktak an rauh. A ttha cikcek cang an ti hnu ah Political Party, USDP an ser tthan i election ahcun an lut tthan.

An sermi Phunhrampi ahcun goal 51 a hmumi nih Cozah ser kho dingin an tuah. Anmah ralkap nih goal 25 an ilak cia i, an sermi USDP nih goal 25 a goal khawh ahcun, buan co peng ding hi an iruah chanhmi a si. NLD le a dang party nihcun goal 51 an goal lawng ah Cozah ser kho ding an si tikah, an rak iruah ning ahcun, zei tik hmanh ah Goal 51 cu an hmu kho lai lo tiah an rak iruah.

2010 ahcun Election cu an tuah. NLD an nuar caah anmah sermi USPD nih fawite in an goal. Cozah an ser i an ilawm taktak. Hlawhtling ah an iruah. Asinain 2015 election ah NLD nih knock-out bak in a tenh ko hna. An lauh pah cang nain an dai rih. 2020 ahcun an ser hnawh chanhmi phunghrampi hi a hlawh a tling lai an zumh. Coalition Cozah a chuak lai tiah an iruah. Asinain NLD Daw Aung San Suu Kyi) nih fak chinchin in a tei hna.

An lung a dong. Cucaah, Daw Aung San Suu Kyi a nun chung ahcun 2008 phunghrampi hi santlai lo a si, tiah an ruah. Kan tei kho ti lai lo, ti an hngalh. Gaol 25 an ipek cia zong ah a kan tei thiam thiam hi te tiah an lung a dong cikcek. Cucaah, lih le lih in voters fraud an ser i, aana an ting. An ka in free and fair election an aupi nain anmah vial cu, goal tampi ipek cia in an lut. Sungh lo ding hrihrim in strategy an tuah.

Asinain an sungh thiam thiam. Zeitindah phunghrampi hi an thlen nawn hawite lai?Daw Aung San Suu Kyi a nun chung ahcun, election zong hi an tuah ngam ti lai ka zum lo. thlachiat ruat loin aana an tingmi hi anmah tlaknak caah hlei an idonh bantuk ah si hram seh. Anmah le anmah hri in an iawhnak si hram seh. Vawlei khuazakip ah mimal pakhat cio, mahle sining cio in au cio u! Cawl cio u! social media power hmang in Vawleipi hnin dih seh. An celh lo tiang in au hnawh an herh cang. Credit: Zasang Cinzah.

Be the first to comment

Leave a Reply

Your email address will not be published.


*