FIANG KO IN AMERICA RAM PI PIAL HRAM AA THOK CANG: LUTHER TINHRE

Fiang Ko In America Ram Pi Pial Hram Aa Thok Cang. US Congress i a tang khan House nih an voi 177 naak kum thar (2021) Zarhpini zing tonpumhnak ah Pathian le a nawlngeihnak an hlawt. Missouri i District 5 naak aiawhtu Congress pa Methodist Pastor Rep. Emanuel Cleaver nih thlacamnak in a hruai hna. Hitihin thla a cam: “We ask it in the name of the monotheistic god, Brahma, and God known by many names by many different faiths. Amen and awoman,”

Lai holh in cun, “monothesitc (Pathian pakhat lawng a um ti a zummi Khrihfa, Judah, Muslim) Brahma (Hindu pathian) le pathian min dangdang aa tlaihmi hna le zumhnak dangdang aa tlaihmi hna pathian min in ( hi bia vislte cu) kan hal. Amen and awoman” tiah a donghnak a tuah.A thlacam in fiang tein in a langmi cu pluralistic zumhnak aa tlaihmi a si. ‘Pluralistic’ biaknak aa tlaihmi nih an zumhmi cu miphun vialte nih kan biakmi Pathian hi aa khat ko.

Kan biaknak min, Pathian min, kan zumhning hna pawl tu aa dan caah a si an ti.Tahchunnak ah, India miphun nih an biaknak aa dan rup in pathian phunphun an ngei; Taluk nih an ngei ve; Kawl nih an ngei ve; Laimi nih kan ngei ve; miphun vialte nih pathian phunphun kan ngei hna i, zumhnak phunphun zong kan ngei i, kan zumhmi pathian cio duhning hoih zong in nun phunglam zong kan ngei hna.

Cuccah Pluralist pawl nih an i thawh i, kan biakmi pathian cu aa khat dih ko; kan umnak hmun, kan auhmi pathian min le zumhning tu aa dan hna caah a si. Kan zumhmi muru cu aa khat ko tiah an au pi. John Hick cauk “God Has Many Names” hi ka thesis caah refutation (alnak) ka rak tush. An idea cu a cung i ka langhtermi hi a si. Kan pathian aa dang lo ti kha langhter peng an i zuam.

Vawleicung biaknak vialte tlukceo in chiah dih an i zuam. Aho biaknak hmanh a hmaan deuh um lo i, a chia deuh um, kan i khat dih hna; pathian min kan auhning, kan biakning le kan zulhmi aa dan hna ca lawng ah a si an ti. Kan bia sau cang, Congress pa zong hi pluralist a si i, Khrihfami Pathian lawng a hmaanmi Pathian; Jesuh lawng kan luatnal lam a si ti a zum ti lo i, Muslim pathian zong a hmaan, Hindu pathian pawl zong a hmaan tiaha thlacamnak in a langhter.

A donghnak hna ahcun Pathian min a ningcang loin “Amen and awoman” ti tiang in a hman rih. Thla kan cam tikah ‘Amen’ tiin kan donghter. ‘Amen’ kan ti tikah thlacamtu thlacammi kan cohlanpiak zong a si i, Pathian na duhnak bang si ko seh kan ti zong a si i, si hram ko seh ti zong a si i, tling hram ko seh ti zong a si. Duhnak (wish) langhter zong a si. Asinain 2021 kum thar ahcun US Congress ah Pathian min ningcang loin an hman.

Cun a hleiin Congress ah pathian phun kip a lut cang i, “In God we trust” an timi Pathian hmaan kha hmun a ngei ti lo ti zong a fiang. Zeibantuk pathian ko nih dah an hei um pi cang hna hnga mu!Cun an pitar nu House Speaker a tling thanmi Nancy Pelosi le Rules Committe Chairman James P. Mcgovern nih nu le pa (gender) dannak min vialte hrawh dih in Congress phung a ser than.

Hi phung hi America ram pi ca si loin House chungah an zulh dingmi a si.House chungah bu a tuah i a ti a tit lai i America pumpi a karh te lai. Tahchunnak ah, mother, father, son, daughter, tbk nu le pa dannak a langhtertu biafang poah hman lo ding an ti. Chairman ti si loin ‘chair’ biafang lawng hman a si cang lai tbk, she or he resigns ti loin ‘resign’ ti lawng a si cang lai tbk;

Nancy Pelosi kong chim an duh tikah ‘she’ hman loin Speaker of the house ti khi a hei si ko cang lai cu!Rev. Franklin Graham zong a lungfak ngai. Pathian nih nu le pa ningcang tein a kan ser i ‘man and woman’ tiah fiang tein min a kan pekmi hrawh timh cu Pathian doh a si tiah fak piin a zai. Tu kum House pawl kalning cu tlingza ngai a si. Khrihfami an thinhung i an zai tuk. An zaining bia zong an fak. “Mirut” tbk le a phunphun in lungtlin lonak an langhter cio. Credit: Luther Tinhre

Be the first to comment

Leave a Reply

Your email address will not be published.


*