FAHNIANG ZEI HEN KAN TON PAR BANG NA UAI TUAN FAH CU

Ram le miphun caah Nunnak a pe mi CNA,Runno. Phun Thang Hnin Hringtu a nu nih a tah nak hla. Fa hniang zei hen kan ton par bang na uai tuan fah cu, fahniang lo chuan rawl ei chung pil lo, len cim lo fahniang na lung sia herh tuk rua ka ti. Ka nu ka ngai tiin na rat lio ah khan na u le na far le na len ti hawi khua mi hna nih inn khat in, in leng hna maw” Aa pa” a har tuk ko maw nan rethei tuk ko maw an in ti ahkhan a har ko nain Ram ca i riantuan cu a nuam ngai ko na ti hna ma cu ka thin fahniang aww.

Ka nu ka kal can a za cang kai thawh cang lai na ti ahkhan ka fa kal ti hlah ko kan ti kan thloh ee na duh lo, ka nu biakam nak ka tuah cang, ka nunnak hi Ram le Miphun caah ka hman lai Ram le Miphun ka kilven lai tiin bia ka kam cang na ti maw fahniang aww. Ka nu ka doh mi hi kei mah le ka chungkhar ca lawng a si lo kan Ram pi doh thlen nak caah a si, ka nu Pathian sinah thla tu fak piin rak cam ko na ka ti maw fapa hniang.

Hi lai hi maw na hngalh cia ee, Na hawi kom nih na min run chim hna lai “Aa pa” cu ee Miphun le Ram caah a nun a pe vawlei ah a um ti lo a nu nak in Ram a daw deuh tiin maw anin run ceihphai te hnga fahniang aww. Ka fa nang cu an hringtu na nu nak in Ram le Miphun tu naa thim na dawt deuh ee. Ka fa nang cu ram le miphun caah chiatserh biakam nak na tuah bantuk in na thisen le na nunnak dihlak in Ram le Miphun caah na pek khawh, ka fa kan Upat tuk mu.

Fahniang kei cu ram caah ka thisen dorkhat hmanh a luan khawh tung lo, nang cu Ram caah na nun na pek, ka fa na nu nih kan tluk hrimhrim lo ee, na tuanbia vawlei a hmunh chung a rung hmun ve cang lai, ka fa tuanbia dawhtuk na tial ee. Fahniang “Aa pa” (Phun Thang Hnin) Hring tu na nu nih upat nak sangbik kan pek. Upat nak sangbik he na nu nih kan thlah ee. Liam siaherh lo tein va kal kun law. Liam siaherh lo tein Aa pa mangtha mu. Hringtu nu tahnak hla. Laknak. THP

May be an image of 1 person and text that says "ဝမ်းနည်းခြင်း အမျိုးသားရေးတာဝန်ကို ကျေပွန်စွာ ထမ်းဆောင်နေသော ချင်းအမျိုးသားတပ်မတော်မှ Runno Phun Thang Hnin သည် မိမိသစ္စာပြသော အမိချင်းလဲန်နှင့် ချင်းလူမျိုးအတွက် တိုက်ပွဲဝင်ရင်း ၂၀၂၁ ခုနှစ်၊ ဇူလိုင်လ (၂၄) ရက်နေ့တွင် ရှေ့တန်းတစ်နေရာ၌ အသက်ပေးလှူသွားခဲ့ပါသည်။ အမျိုးသားတော်လှန်ရေးအတွက် ၎င်း၏ ပေးဆပ်မှုအပေါ် ချင်းအမျိုးသားတပ်ဦး၊ တပ်မတော်က လေးစား ဂါရဝပြုကြောင်းနှင့် ကျန်ရစ်သူ မိသားစုနှင့် ထပ်တူ ဝမ်းနည်းကြောင်း မှတ်တမ်းတင်အပ်ပါသည်။ Runno Phun Thang Hnin တစ်ယောက် ကောင်းရာသုဂတိ လားပါစေ သတင်းနှင့်ပြန်ကြားရေးဌာန ချင်းအမျိုးသားတပ်ဦး ၂၇.၇.၂၀၂၁"

Thawngpang dang: Tuzan an i phomhnak konghe pehtlaiin Aung La Nsang nih mipi sin ah bia a chim cang. Aung La Nsang nih a chimmi cu tuzan kan puai ah zeidah ka tuah aharh timi cu ka fiang ngaingai cang. Aa ka chimh cawnpiaktu hna ka zumh tuk hna i, thatein an ka chimh peng ko. Cucaah dirhmun sang ka phanh hi ka zumh bak. Kawlram mipi caah tutan puai hi teinak ka co lai.

Ka hloh mi Middleweigh Champion taisawmh lak tthan dingah tutan puai cu teinak ka hmuh hrimhrim a hau. Ka dawttukmi kawlram mipi hna lungtling an um khawhnak dingah ka thaazaang dihlak chuah in kaa zuam lai tiah a chim. Aung La Nsang le Ataides cu tutan kawlram caan in zanlei suimilam pasarih ah an i phomh cang lai. Tutan ah teinak a hmuh asi ahcun Champion a simi Ridder a zuamcawh khawh cang lai.

Ataides nih a rak chim ve mi cu Aung La Nsang hi round hnihnak ah ka tei lai tiah a rak chim. Tutan ah Aung La Nsang he aa phomh dingmi Ataides hi One Championship ah voikhat hmanh Aung La Nsang he aa thong ballomi an si. Tutan hi a voikhatnak an i phomhnak dingmi a si. Champion a simi Ridder hi an rak tei veve lo. Aung La Nsang le Ataides cu tuzan apuai nganak ah aa thong ding an si.

Mipi nih zohkhawhnak ding cu US a ummi caah zinglei suimilam pariat le cheu Bleacher Report TV le Youtube ah live in zohkhawh asi lai i, Tuluk a ummi caah zan suimilam pariat le cheu ah iQiyi ah Live in zohkhawh a si lai. India a ummi caah Hotstar le Star Sports Select 1 ah zanlei suimilam paruk in zohkhawh asi lai. Malaysia ummi caah RTM Sport in zanlei suimilam pariat le cheu ah zohkhawh asi lai. Kawlram a ummi caah Skynet Sport 3/HD in zanlei suimilam pariat le cheu in live an thok lai.

Be the first to comment

Leave a Reply

Your email address will not be published.


*