DR RUAL UK CHIMMI CU A TURU KHOTUK AHMAN TAKTAK KHI A SI

Dinnak nih miphun a cawisan Righteousness exalts a nation, Phungthlukbia 14.34 Hi Pathian bia hi minung lei ah Siangpahrang Solomon tialmi a si. Amah Solomon chan ah pawngkam ram le miphun vialte nih cho zoh in an zohmi Kanân ram cawisan a sinak kha a pa Siangpahrang David dinfelnak ruangah a si ti kha a fapa Solomon nih a philh khawh lo caah Dinnak nih miphun a cawisan’ tiah a rak tialnak hi a si.

Amah Solomon tu cu a pa David bangin in a din lo caah a pa David dinnak nih a cawisanmi Kanan ram cu pawngkam ram le miphun vialte zohchuk mi ram ah thumh a si i Jerusalem khualipi le Pathian umnak Tempal amah Solomon nih a sakmi tiangin BC 586 kum ah vutcam ah ai cang dih. Zeicatiah ‘dinnak nih miphun or ram a cawisan ah cun ‘dinlonak nih miphun or ram cu a thumh tawn’ ti hi merh le thlen khawh loin a hmunmi biatak a si.

Nihin ah kan umnak kawlram hi Asia ah ram tha bik pa khat a si nain vawlei cung dihlak ah ram sifâk bik lak ah thumh kan sinâk zong hi vawlei cung ram dihlak ah dinlonâk ah pahnihnâk kan sinâk nih an kan thumhmi a si.Cucaah tukum thimnâk ah hin zeibantuk Party an tlin zongah dinnak nih hmunhma a co ah cun cawisan mi ram le miphun kan si lai i zeibantuk Party an tlin zongah dinlonâk nih hmunhma a lak peng ko rih ah cun pumpak hnih khat lawng an rum lai i zapi cu vawlei dihlak ah sifak bik ram dirhmun ah thumh kan si peng ko lai.

Cucaah dinlonak nih a tângmi um loin a hrawh cikcek i a tawne ah a thumhmi kan ram le kan miphun nih kan herh bikmi cu Kawl Party e Lai Party e ti hi si loin Solomon dinlonâk nih a hrawh cikcek i a tawne ah a thumhmi Kanan ram ah Pathian Profet Amos aunak aw ‘dinnâk kha tivapi bangin luang seh’ tiah a rak timi kha a si. Credit: Evan Rualuk.

Relchih:CNLD mino cu ka raltha kan ram, kan miphun, kan caa , kan holh, kan nunphung, kan biaknak, kongah Miphun dang kan i bochan lo. CNLD mino cu tonnak kan ngei tawn. Miphun kongkau an lungfah nak tampi an chim.Kawl party ttanh mi pawl tah zei bia dah nan va chim ve tawn, si lo le Nan pi kongdah nan va chim tawn.

NLD ttanh mi nih NLD cozah kai hnu in lam le sul, khuapi , sianginn pek maw nan va chim hga.USDP tanh tu pawl nih NLD cozah chan nak in GDP a tam deuh kan ti hga dek, phundang kan chim cun USDP chan nak in NLD chan ah Sipuazi atla nan ti hga dek. Mizei minung pih duh thimnak kan ngei ko.Party ruang tu ah miphun lungrualnak a rawh lo a biapi. NLD, USDP party mino CNLD party nih kan in daw tuk hna, Ka nu pawchung in voihnih chuak hmanh ninglaw Miphun party ka pek ko lai. Credit: Salai Elishama NT