Dr. Lian Hmung Sakhong Biachim Cu Hmual A Ngei Kho Taktak.

Nihin ah Dr. Lian H Sakhong le Winnipeg mipi le Canada nu pa (minung 35) suimilam pa 2 chung zoom in tu lio kan ram buainak le thil sining kong bia ruahnak an ngei. Cu an biaruahnak ahcun Dr. Lian Hmung Sakhong nih tu lio buaibainak kan tonmi le mipi nih lehrulhnak kan tuahmi kongah a chimmi bia cu Van Dawt Lian nih a mah facebook cahmai ah a tang lei bantukin a langhter.

Tuchun Dr. Lian H Sakhong bia hmual ngei ka lungah a taang taktakmi! “National Revolution (Miphun huap Dothlen) asi lomi Tribal Revolution (Pengtlang, khua, Myone lawng huap) chikhat lungthawhnak in kan zuanhnawhmi nih kan miphun pi teinak a chuahpi kho tak lai lo.”

May be an image of 1 person

”Falam lawng nih a tei lai lo, Hakha lawng nih a tei lai lo, Kalay lawng nih a tei lai lo. Miphun huap a si lomi Tribal Revolution (Pengtlang, Khua, Myone pakhat lawng huapmi dothlennak) an karh tuk ahcun Min Aung Hlaing nak in ṭihnung deuh kan ichuah kho mi si, ahnu ah kanmah le kanmah iremh ṭhan ahar tuk te dingmi asi”. CRD Van Dawt Lian

Dr. Lian Hmung Sakhong hi Chin miphun long siloin tlangcung hriamtlai vialte le Kawl pawl zong nih a fimthiamnak hi an hman ngaimi le an upat ngaimi a si. Tlangcung hriamtlai vialte Karen ram Law-Kee-Lah le Kachin ram Laiza ah hnatlaknak an rak ngeimi zong amah nih draft a rak ttialmi a si.Cun tlangcung hriamtlai dihlak le democracy forces dihlak hna nih hmunkhat te ah The Constitution of the Federal Union of Burma first draft le second draft i 8 basic principle zong khi amah nih a rak ttialmi a si rih.

Be the first to comment

Leave a Reply

Your email address will not be published.


*