DR. HMUH THANG TE PARTY USDP TTIHNUNG AN SI CANG HIH

USDP Party ttihnung ngaingai an si cang. Cawlcangh hram an thok cang lai. USDP party hna nih anmah lei dir dingin mipi kawl hram an thok lai. Ralhrang kawlralkap hna nih 2020 thimnak an cohlan lonak an langhter cathanh an chuah hnu in, USDP party cu rampi cozah hruaitu dingah cawlcangh hram an thok. USDP Central Chairman tawlrelnak in USDP hruaitu hna cu meeting an tuah.

An meeting ah zeibantuk dah an ceihkhan timi hi fiangtein langhter dih lo. USDP party cu ralhrang kawlralkap dirhmi asi bantukin Ralhrang kawlralkap kut tangah a ummi an si. NLD cozah thlaknak ah siseh, NLD Party um ti lo dingin a tawlreltu zong ralhrang kawlralkap le USDP party an si. Curuangah Ralhrang kawlralkap hna nih thimnak an tuah asi ahcun,

USDP party nih teinak an hmuh lai i, cozah an hruai lai. Cu thil an duh ruangah 2020 rampi thimnak result vialte hna cu ralhrang kawlralkap hna le USDP party hna nih nawlngaihnak lak an duh ruangah atubantuk in thil an tuahmi a si tiah Kawlram kong a cuanmi pakhat nih a chim. Atu ahcun USDP party nih anmah dir dingin mipi hna cu hmunkip kaa kip ah sawmnak an tuah hna lai ti asi cang.

Union Solidarity And Development Party – USDP Presents Its Policy, Stance  And Work Programmes - Global New Light Of Myanmar

Relchih Thawngpang dang: Aung San Suu Kyi zawtnak angei maw ngeilo timi an langhter. Nizan le tuchun hi Aung San Suu Kyi cu biaceihzung ah a chuak dingmi asi. Asinain August thla thok lei ah an thawn asi. Hi kongah Aung San Suu Kyi cu a ngandamnak a that lo ruangah siseh zawtnak covid angeih ruang ah a si lai tiah thawngpang a leng.

Hi konghe pehtlaiin Aung San Suu Kyi a sihni nih atanglei bangin a chim.Asihni nih a chimmi cu thil a rak cahmi ah hin Tiksik an-hnah phun lawng a rak cah. Si le ai lei kongah a cah mi a um lo tiah a chim. August nikhat tiang dawr le zung pawl khar asi lai caah August nihnih le nithum ah biacaihzung chuah ni cu thawn asi tiah Aung San Suu Kyi a sihni Daw Min Soe nih BBC thawngzamh nak ah a chim.

Tuzing ah biaceih zong phone kan chawn hna. Cu ahcun thawngpang kan rak in thanhte hna lai tiah aa kan chimh i, Suimilam pahra hrawng ah biaceihzung chuah ni caan cu thawn asi tiah aa kan chimh tiin a chim chih. Aung San Suu Kyi covid zawtnak angei timi kongah bbc thawngzamhnak nih biahalnak an tuah i, Aung San Suu Kyi nih hitihin aleh hna.

Angandamnak a tthalo timi kongah Police officer kan hal hna i, covid angeimi an um lo tiah aa kan ti. Zawtnak angei timi hi a si lai lo. Nizan tiangah a thil cahmi kan kuat zongah ei le din le thildang aharhmi lawng asi i, Sii ai lei cu angeih rih caah a cahchap lo. Curuangah a ngandamnak cu a tha ko ti khawh asi. Asinain kan hal chin hna i, biadik taktak cu chim khawh asi lo tiah lehnak atuah. Aung San Suu Kyi cu atu ahhin case panga in bia an ceih cuahmah lio asi.

Be the first to comment

Leave a Reply

Your email address will not be published.


*