CNLD IN TONZANG LE TEDIM MP AA CUH DINGMI AH LUNG NUAM LO NGAI AUM

CNLD le Tedim-Tonzang Peng CNLD in MP aa cuh hnga dingmi hna min le hmunhma hna zoh tikah lung a nuam lo ngaimi a um.Tedim peng ah MP hmunhma panga a um i CNLD nih hmunhma pahnih lawng ah cuh an i tim. Minung an um lo maw a si hnga?? Kan i cuh zong ah kan tei hlei lai lo, i cuh lo a ttha deuh tiah an ti maw a si hnga?

Tonzang peng ah MP hmunhma pali a um i CNLD nih hmunhma pahnih lawng ah cuh an i tim. A cuh ding minung maw an um lo? I cuh zongah santlai lo a si tiin dah an ruah a si hnga? Tedim le Tonzang peng cu CNLD hotu pakhat a si ve mi Pu Zo Zam hmunhma a si, ti khawh a si. Hotu pakhat a ttuan ve mi nih amah a aiawhnak hmunhma ah atu bantuk thil a can mi hi, zeitindah a ruah hnga?

No photo description available.

Hi tluk Hakha-Thantlang le Falam peng ah MP cuh an duh i, hmunhma an i cuhnak ah khuaci an hmuih lioah Tedim-Tonzang peng ah hmunhma 9 ah hmunhma 4 lawng ah i cuh cu.Atu tan thimnak ah Pu Zo Zam nih teinak a hmuh lo ahcun voihnih a pehpeh tein thimnak ah teinak a hmuh lo a si cang lai caah hotu pakhat sinak dirhmun in tttuanvo lak duhnak thinlung ngei kho cang sehlaw a ttha tuk hnga tiah ka ruah.

No photo description available.

Zaukphung hmannak ram ahcun thimnak ah anmah an sungh ah maw, an aiawhmi party an sungh ah maw, hruaitu nih ttuanvo an lak tawn. Hotu an sinak dirhmun in aho fial lo tein an i din tawn. Credit:Nathan Pa LD Hmung.