CNLD CU INN HNGAKTU AH KA TAHCHUN HNA, CNF LE NLD HI

CNLD, NLD Le CNF Pawl Ka Hmuhning:CNLD cu ram a that rih lo caah zeihe dah katah chunh ti ahcun lokal kar ah le ram vaih kar ah nang inn rak hngak law rawlchuan hna, vokrawl pek hna , hngakchia hna rak zoh khenh hna ti in inn ah kaltak mi he ka tah chunh , taktak kan ti ahcun inn a hngak micu a derthawm deuh mi ansi tawn ko.

CNF tucu kan chung khar in kan herh mi zalh ding le meh caah ih lo in ram an vai , zingka te in an tho i zaan ah an lawi , chungkhar caah salian kah khawh nak ding caah an i zuam hna. NLD tucu kan zapi te caah kum a vui zungzal nak ding caah rit donh piak tu le sa kan kah khawh zungzal nak ding caah sa a seh tawntu ralven piak tu a si tiah ka ruah hna.

Biafunnak: Kan unau Mizoram hi zoh ko sihlaw , Federal caah ram a rak vaitu cu MNF ansi i a bawmtu hna cu Congress le Rajiv Gandhi an siko. Full democracy ram hmanh ah kum 20 leng Federal anrak khel. Mah lio i party pawl cu inn anrak hngak i inn lei caah cun santlai an raksi ve ko lai dah. Cun Federal caah a ramvai mi MNF zong Federal an kah hnu ahcun Party in inn an hngak ve cang i Central Party he mahameih e… cu e… kha e ti um tilo in Mizoram ah a teimi Party paoh nih Mizoram Government ( Cozah ) ansi ko cang.

Kanmah teh Mizoram he kan i lo maw? Kanmah long in kum 60 leng zei kantuah kho lo.Tlaangcung mihi kanmah le kanmah tu kan i kap i kum 60 leng lung airual kho lo.Satan tukforh nak chung in le kan minung sinak lakkhawh than nak ding ahcun bawmtu Pathian sawm uhsihlaw , NLD ( Suu Kyi ) lo in kasi kho lo tihi kum 60 lengchung ah lungfim ding kansi riamruam cang tiah karuah ko e. A Le Chin