ZEITI AWK ATTHA TILO, TRUMP CAAH CUN RUAHCHANNAK LAM PAKHAT ADONG

Democrats pawl nih Vice President Mike Pence cu 25th Amendments hmang in President Donald Trump phuah dingah an fialmi cu Mike Pence nih a duh lo.Cucaah Democrats pawl nih House ah Artitce of Impeachment hmang in phuah dingah biatung an dirh caah atu lio hi House ah debate an tuah cuahmah lio a si.House ah Democrats palai 222 an um i, Republican palai 211 an um ve.

Republican palai minung pa 5 lawng nih impeachment tuah an duh. Mah hna cu At least six GOP members – Liz Cheney of Wyoming, Dan Newhouse of Washington, John Katko of New York, Fred Upton of Michigan, Jaime Herrera Beutler of Washington, le Adam Kinzinger of Illinois hna an si. House ah Democrats an tam deuh caah house nih President Trump cu impeachment an tuah lai i Senate ah biaceih dingah an kuat lai.

Senate meeting cu January 19 lawngah meeting tuah a si lai caah President Trump a dinh tiangah tazacuai manh dawh a si ti lo. Senate i taza an cuai zongah Democrats nih tei khawhnak lam a um lo. Senate i cheuthum cheu hnih vote lawng in President Trump cu phuah khawh a si Senate ah Democrat le Republican cu vote 50 veve lawng an ngei. Republican nih cun Democrats pawl thil tuahmi cu sullam a ngei lomi a si, US caah thatnak nak in chiatnak a chuahpi lai, Democrats pawl nih Presided Donald Trump vote thlatu miilion 70 renglo mihmai an zoh chih a herh tiah an ti.

Biachahnak an tuahmi Ahnuzul: Democrats nih an control mi Pyithu Hluttaw, House ah House Speaker Nancy Pelosi hruainak in President Donald Trump cu a sual tiah impeach an tuah.House hluttaw palai nih vote an thlak i, Democrats an tam deuh hlei ah Republican minung 10 nih Democrats lei ttang in vote an thlak caah vote 232-197 in President Donald Trump cu a sual tiah impeach an tuah.

Democrats lei ttang i vote a thlatu Republican palai hna cu Democrats an thawnnak state in a rami mi tam deuh an si. Liz Cheney of Wyoming, Dan Newhouse of Washington, John Katko of New York, Fred Upton of Michigan, Jaime Herrera Beutler of Washington, Adam Kinzinger of Illinois, Anthony Gonzalez of Ohio, Peter Meijer of Michigan, Tim Rice of South Carolina le David Valadao of California hna an si.

President Donald Trump cu a dirkamhtu hna nih Capitol Hill an luh hnawh ruangah sual an phawt i, President phuah khawhnak article of impeachment pakhat in sual an phawtmi a si. House nih President Donald Trump cu sual an phawt cang caah Senate ah tazacuai ding in an lanhpi lai. Senate Majority leader Mitch McConnell nih cun Joe Biden President rian a thawk hnu lawngah President Trump tazacuainak cu thawk khawh dawh a si.

Senate meeting cu January 19 lawngah meeting tuah a si lai caah President Trump a dinh tiangah tazacuainak dih khawh dawh a si lai lo. Januarty 21 ah President Trump cu a din lai i, Joe Biden nih President rian a thawk colh ve lai. Senate i taza an cuai zongah Democrats nih tei khawhnak lam a um lo. Senate i cheuthum cheu hnih vote lawng in President Trump cu phuah khawh a si.

Senate ah Democrat le Republican cu vote 50 veve lawng an ngei. Senate i cheu thum cheu hnih vote lawng in Trump cu sual dantatnak pek khawh a si. Mah an tuah khawh lawngah Donald Trump cu President thimnak ah i cuh kho ti lo ding in an kham khawh lai. Republican nih cun Democrats pawl thil tuahmi cu sullam a ngei lomi a si, US caah thatnak nak in chiatnak a chuahpi lai. Credit: Salai Lairamthang

Be the first to comment

Leave a Reply

Your email address will not be published.


*