ZEI HMANH A THEI LOMI PAWL CAAH NLD LUNGPUT KAN VUN LANGHTER

Zeihmanh a theilo mi pawl caah NLD lungput ka lungchuak ka tial mi, Thutnak dih lak 664 um i ralkap nih 166 an lak. A taang mi tthutnak 498 um i, tlangcung dihlak fonh ah thutdan 207 um. A tang mi kha NLD nih ala or a tei kho dih lai lo. Tlangcung mi zapi nih teinak hmuh dih sehlaw NLD nih cozah a serkho ve hlei lo. Tlangcung mi he aa hawikomh a hau.

Asi nain NLD nih tlangcung mi he i hawikomh a duh lo, ka tei dih lai ka duh ning in ka tuah lai timi hi a poi ngai . Teinak cu a hmuh ko lai nain Kawlram ah party 94 um i party pakhat nih tei dih i mah duhning thiltuah peng a timh mi hi a poi ngai. Party fa tete duhnak zong a zoh piak hau ve ASSK a thih cun PP koko gyi party hi kawlram ah a lar te lai.

A mah hi background angei lo nain a chimmi le a tuah mi pawl hi kawlram ahcun ramkong ah pa fit bik ka ti, kan pi cu a pa ruangah hin uar le theih khun deuh si. Tlangcung party nih zei an tuah khawh lai timi pawl nih tha tein na rel cun na fiang ko lai. Thawngthawng.

CNLD nih Chin State ah acozah ser kho hna sehlaw zeidah an tlaih khawhmi Post a si lai? Biahalnak Lehnak (Facebook in biahaltu hna caah  Hmailei zong ah biahalnak a um than sual ah). Biahalnak ka ton lengmangmi CNLD nih Chin State ah acozah ser kho hna sehlaw zeidah an tlaih khawhmi Post a si lai? Bialehnak: A tanglei bantuk hi de facto in siloin de jure phung ning tein an tlaih khawhnak lam a um. Cu hna cu,

Pakhatnak. Chin State Hluttaw Speaker le Chin State Hluttaw Deputy Speaker kha CNLD nih an tlaih khawh lai. Pahnihnak. Chin State Hluttaw Affairs Committees ah hruaitu lubik le secretaries hna kha CNLD nih an duhmi minung an tlaih ter khawh hna.Pathumnak. Chin State Government lubik Chief Minister kha Hluttaw hnatlaknak a hauh caah CNLD nih a duhmi CM an thim khawh lai.

Palinak. Chin State Government Ministers dihlak kha CNLD nih an duhmi, an lung a tlingmi an tlaihter khawh hna lai. (Shan le Rakhine ah Hluttaw nih Ministry of Immigration and Human Resources vunci an ngei lo. Adang State le Region dihlak nih an ngeih dih. Shan ah USDP nih teinak tam bik, Rakhine ah ANP nih tam bik thutdan an hmuh caah hi ministry cu a herh lo an ti caah Pyidaungsuh nih a chuahpi mi cu a nung lo. An thah.

Panganak. Chin State Government Upadichok kha CNLD nih an duhmi, lungtlinnak an ngeihmi an thim, an thut ter khawh lai. Paruknak. Chin State Government Sazinsitchok kha CNLD nih an duhmi an thut ter khawh lai. Pasarihnak. Hluttaw le Acozah karlak ah pehtlaihnak a thatnak ding lam a tam pi caah Acozah nih achuahpi mi Budget Estimate, Revised Budget hna kha Pyidaungsuh ah tluang tein a kal kho lai.

Pariatnak. Tender ruangah Budget a hleimi siseh, riantuan ding an ti nain an tuan lomi kongah Budget a hleimi siseh, Acozah nih a herhnak ah tluang tein a hman khawh lai. Acunglei hi de jure phungphai ning tein a si kho dingmi tialmi a si. Rakhine ah ANP siseh, Shan ah USDP nih siseh, 2015 thimnak ah tam bik thutdan an rak co nain zeiruangah dah Chief Minister hi anmah duhmi te an rak i thim khawh lo timi zon ah biahalnak tete a um kho.

Hi kong tu cu nan theih cio bang, President a hna a tlak ve a herh caah caan nih bia chim te ko seh. Biahalnak a um pah lengmang caah ka rak tialmi a si. Comment a um sual ahcun kan let lem hna lai lo. Cu vial in Kaa lawm.By. Thawng Za Pum

Be the first to comment

Leave a Reply

Your email address will not be published.


*