ZAWTNAK A DIH CANG LAI, HNGAKCHIA NUTE SIN AH PATHIAN NIH AA LANGH

Philippine ah nu hngakchiate nih mang amanh i, Coronavirus hi April ah a dih cang lai tiah a chim. Hi bia hi a nu sin ah a chim i, social media ah a Nu nih athlah hnu ah minung tamtuk nih share an tuah mi asi.Anmah hi Khrihfa chungkhar an si i, Tulio zawtnak konghi TV in an zoh tawn. Anmah nufa hi Jahzara Bryelle le Michelle Dalida ti an si.

Voikhat cu CNN thawngzamhnak ah Coronavirus kong an chimmi an ngai.Culio ah Jahzara timi nih a nu sin ah hitihin achim. Kanu Pathian nih thil a ka chimh i, a ka chimhmi cu ka zumh ngaingai ko tiah a chim. Anu nih zeitindah an chimh ning asi tiah a fanu te cu ahal tthan.Afanu nih atimi cu nizan ka mangah Pathian nih Jahzy ttih hlah hi zawtnak cu April ah a dih cang lai tiah aka chim tiah anu cu aleh.

Anu nih cun cuti asi ahcun na ttih maw tiah a fanu te cu ahal tthan i, Aw ahlan ah khan cun ka ttih ve ko, Atuah ahcun pakhat hmanh ka ttih ti lo tiah a chim. Zeiruangah dah na ttih ti lo tiah anu nih cun ahal tthan i, Aruang cu keimah ah hin Pathian a um cang i, Thiangthlarau zong aum cucaah ka ttih ti lo tiah ralttha ngai in a nu cu aleh tthan.

Cubia fanu sin in a theih tikah a nu cu biachim awk theilo in a um. Hi konghe pehtlaiin a nu nih cun hitihin a langhter. Hi bia ka chimmi hi ka fanu nih amang ah ahmuhmi thil zohlei kam zoh loin a zumhnak tu hi rak ka hmuhpiak hram uh Kan thlacamnak hi hibia ah hin kan zumhnak le kan i ruahchannak pe hram seh.

Kan dihlak in kan ram le vawleipi caah thlacamnak thinlung kan ngeih khawhnak dingah ti hi asi. A zumhnak nih hin ka thinlung aka suk ngaingai. Thawngpang thar, cozah nawlchuahmi le biachokvai a um lengmang karlak ah ka duh bikmi cu harsatnak lawng cuan loin Pathian lei tu hi cuan hna usih tihi asi. Aka chimhmi hi a thawng athang ngaingai i ruahchannak tampi aka pek tiah a chim.

Timote kuathnih, 1:7 ahcun Pathian nih a kan pekmi Thlarau nih cun ralchia ah a kan ser lo, tthawnnak le dawtnak le mah le mah i uk khawhnak tu khan a kan khahter., Azumhnak hi hninh khawh a silomi Pathian ah aa hngat mi asi. Nang zeidah na dirhmun asi ve? na zumhnak kha afekfuanmi asi maw? tiah biahalnak atuah chih.