VIDEO:HNA NGAM NGAI SI, KALAY BUAINAK KONGAH CNF/A ZONG NIH ATHEIH

Tulio Kalaymyo buainak, Mipi le ralhrang kawlralkap karlak raldohnak kong ah CNF/A he pehtlaihnak tha kan ngei ko tiah Kalaymyo Chin Youth Organization (CYO) hruaitu nih a chim.Hi bia a chimmi hi tulio konghe pehtlaiin CM Page nih live interview an tuahnak ah CYO hruaitu nih a tu bantuk in a chim hi a si.

May be an image of one or more people, people standing, people walking and outdoors

Tutan ah biaruahnak an ngeihmi Kalaymo CYO hruaitu hi nizaan thilcang ah hmaisuang in a cawlcang mi asi. Kuanfang cu kan lu cung in a zuang, Ralkap kuanfang nih an kan kulh, a si nain kan mipi an zam dih lo, an him dih hlan cu hnu tawlh awk kan ttha lo. A si khawh chung in kan cawlcang, chikhat cu kuanfang lak in ka luat kho lai ti hmanh ka ruah lo tiah nizaan thilcang kong ah a chim fawn.

May be an image of fire and outdoors

Kalaymyo buainak, raldohnak kong ah mipi lei nih CNF/A an hlam ngai hna, pehtlaihnak nan ngei maw tiah mi biahalnak ah “CNF/A he pehtlaihnak tha tein kan ngei ko. An mah zong nih an kan chonh, kan mah zong nih kan chonh hna, naihniam tein kan i pehtlaih ko, kan i ruahchan mi zong a um ko chim dih awk a tha lomi zong a um” tiah a chim.

Myanmar's Chin National Army seeks asylum in Mizoram for family  members - EastMojo

A si nain an karlak le CNF/A cawlcangh ning cu mipi sin ah a dihlak in chim awk a tthat rih lo caah CNF/A he pehtlaihnak kan ngei timi vial hi mipi nih kan theih pi ko uh tiah a chim hi asi. Note: Hi thawngpang hi puahmen mi a si lo. Cmpage nih interview an tuahnak a dihlak na ngeih ahcun CNF/A kong biahalnak ah lehnak a tuah mi a um lai. CNF/A he naihniam tein an i pehtlaih cu hnangam deuh ngai a si.

Tuni Ah Kawl Ralkap Le CNF/A Tonnak An Nei Lai -

Biaruahnak an ngeihmi ah tlamtling tein zoh khawh zong a si. Kalaymyo thilcang konghe pehtlaiin cmpage nih biaruahnak an tuahmi zong kan vun thilchih. Video in zoh a duhmi caah hika hi voikhat hmehpiak law kalaymyo thil cang konghe pehtlaiin kalay mino hruaitu nih a chimmi CNF/A he pehtlaihnak kan ngei lengmang ko atimi zong tlamtling tein zoh le ngeih khawh asi

Be the first to comment

Leave a Reply

Your email address will not be published.


*