A FIANG BAK KO CANG HIH, KYAW KYAW UMNAK APU BAK NIH A CHIMMI:VIDEO

Kyaw Kyaw Kum-5 Renglo Zohkhenhtu Pu Fela Nih Pholeng Nih Biahalnak An Tuahmi 28 December 2020 Ah YLA Thahmi Asi Ko Tiin Ka Ruah Ko, Asinain Tiah A Timi. Pholeng nih Pu Fela hi Mizo holh in halnak le lehnak tuahmi a si caah, Lai holh a thei lo mi nih Pu Fela aw ngaih khawhnak ka telh chih. Hi biahalnak le lehnak hi Kyaw Kyaw ruak hmuh ni zanlei,

28 January 2020 Monday ah Pholeng nih Kyaw Kyaw a thih ning kong cu an dawthlat i a mah Pu Fela nih a chim mi a si ko nain, thil tha lo a chuak sual lai ti an phan caah an chuah ngam lo tiah an ti i, mipi nih thil sining theihthiam khawhnak ding caah ah 6 January 2021 ah an langhter than mi a si. Pholeng biahalnak le lehnak cu atang lei bantukin an si:

Pholeng:Kyaw Kyaw nih vanchiatnak a tawn mi kha nangmah sinin fiang deuh tein theih ka duh caah YLA nih kut an thlak caah a thimi a si maw, YLA pawl he buainak hna nan ngei maw timi pawl kha na kan chim khawh ahcun?Phu Fela: Aw, mah ka zawnte cu a hohmanh nih theih fiang mi kan ngei lo i, a mah le kei mah le ka fapa pahnih hna he eidin cinnak dum (Mizo nih Nul tiah an ti) ah kan kal hna. Cuka ahcun tlung ve ko kan ti i, ran nih a ka fanh pah a ti.

Cuti i ran nih an fanh pah ahcun tlung ve ko kan ti i, Kyaw Kyaw hi zu a ding ngai ve i zu riantuannak a dih ruang ah a si theu lai tiin ka ruah. Rak tlung ve ko ka ti ah khan, “E U Fel, Kei cu cacawn nilini ah ka rak tlung lai i, hika lo i antam pawl hi ka rak phawrh hna lai” tiah a ti i, cuticun kan rak tlun tak. Kan tlunnak lampi a cheu tluk hrawngah YLA hna he cun kan i tawng. Cuti YLA hna he kan i tawnnak ahcun, bom a puak ti kan theih i, kan mah kha bom a puaktu ah an kan ruah pah.

Cuticun, kan thil puan cu an kan zohfel piak, asinain nga zawng cu an hmu lo i, cutikah lo kan tuah caah, lo ah pei kan kal ko cu, tiah ka ti hna. An lan rua lai lo tiin ka ruah nain, hihi inn tlunnak lam cheu tluk a si cang. Cutikah, lo lei ahcun an va lan. Cuticun, Kyaw Kyaw cu nizanah bom puah thawng kan theih tiah an ti i, an va vuak tiin ka theih. An va vuak tiin ka theih ko.

Pholeng:Cuticun, na ruahnak ah mi kutin a thi tiin maw na ruah, amah a dam that lo ruang le mi derthawm a si ruangah a thi tiah na ruah? Pu Fela: Cucu, zeiti zeiti ti siloin, kei mah nih ka ruah ning ahcun, YLA nih khan an vuak i, an va vuak ah khan zanah an rak phan i, zan suimilam 7 hrawng ah cun kan Nu le ka fa he cun kan va kal. Cukaahcun, zeidah thil umtuning a si tiin kan va hal. Kan Vuak tiah an chim.

Cuticun, a thaizingah ka fapa le hna cu ke pathum ngei (Kawl nih tubing kaa) mawtaw in ka kal ter hna. Kyaw Kyaw hi ka fapa Upa bik bantuk in ka ruah mi a si i, anau le cu va kal u tiah ka fial hna. An va kal ahcun U Kyaw Kyaw cu a thi cang tiin an rak ka fawn. Cutikah, YLA nih kan vuak tiah an chim caah khan, thil dang a si lo, an vuak ruangah a thi ko tiah ka ruah ko.

Asinain, a hohmanh nih hmuh khawh a si fawn lo, kan mit in kan hmuh khawh lo mi cu, an mah nih an tuah tiin chim phun kha a si fawn lo. Asinain an mah YLA nih kan vuak tiah an ti ko caah khan, an vuak ruangah a thi tiin ka ruah ko. Cucu a si ko i kei mah zawng ka si a vang tuk hringhran ko. Nihin zawngah a ruak kan thutpi ko.

Pholeng:Ticun, a taksa ah khan thihpi awktlak tiangin ruah khawh mi thil kha nan hmu kho maw? Pu Fela: Aw, mah hihi ka zoh nain ka hmu ve lo tikah cun, mah hihi a harsa ngaimi thil a si caah hin, a angki hna ka phawih, Kum thar ah hruk ding angki le tawhrawlh ka cawk piah tiah a ka timi cu ka cawk piak i, atu i zawng hi mah cucu ka hruk ter. Buaktlakin thihpi ding cu ka hmuh ve lo tikah, cucaahcun, rai nih a ka fanh a ti mi le YLA nih hin kan kal lio ah tiichung ah a lut tiah an ti i, tiichung a luh ruangah maw, ran nih a fanh ruangah a si hnga maw aw tiin, asinain, kei mah nih ka ruah ning ahcun “YLA NIH VUAK RUANGAH A THI TIIN KA RUAH KO”

Pholeng:Asiahcun, Palek sinah report tuah dingin nan i tim maw? (aa tlak ningin ka leh mi a si) Pu Fela: Palek sin kalpi dingah hin zeihman theihfian mi kan ngeih ve lo tik ah hin kan um sawhsawh?(Pholeng hna chet tuk ruangah an aw ka thei fiang lo!). Kan van chiat ruangah a si tiah ka pawm i, YLA nih a thlan ding zawng an tuah piak i,(Hizawng hi Pholeng hnachet ruang),

Pholeng:Cun, Sangau-1 YLA hna he khan buainak hna nan ngei maw? An hruaitu hna kha nan inn ah an rak leng maw? Pu Fela:Tuzing zawng ah khan an rak leng i, zeitin Pa bik dirhmun ah na dir i, na ruahnak hna rak kan chim tuah tiah an ti caah, ka dir i ka chim. Tha deuh te cun kan i thlah. Hi thil ah hin ka fapa bantukin kum-5 a um cang i, a zei poah hi kan mah lo hmum ram te ah eidin ding dum a tuah i, ngasa hna,

Kan eidin ding mehhang thil phunlting hna hi, a chuahpitu bik a si i ka Nupi zawng hi atutiang a mitthli a tlan peng. A tap peng ko, Asinain, a sining taktak in chim ning law cu, cu bantuk kha bantuk timi ruahnak cu ka ngeih ko nain, a mah zawtnak ruangah maw, zeiruangah timi kha kan theih lo caah cunruangah timi ruahnak zawng ka theih deuh hlei lo caah dai tein ka um ko e! Salai PK.

Video in ngeih aduhmi caah hIKA HI VOIKHAT IN HMEHPIAK LAW NA NGEIH KHAWH LAI

Be the first to comment

Leave a Reply

Your email address will not be published.


*