US VICE PRESIDENT CA CU A DIRHMUN A FIANG KO CANG HIH

Apoi ngaingai tulio thimnak tuah lai ah hi bantuk thawngpang vun theih cu tampi ruah dingmi khi a um ngaingai. Aruang cu zeican dah Trump dirhmun asi lai timi hi ruah awk ngaingai cu asi. US President Donald Trump le a nupi cu zawtnak coronavirus an ngei taktak cang. President Donald Trump le a nupi Melania Trump cu an i check tik ah result a chuak i, Covid zawtnak an ngei timi hmuhchuah asi cang.

Mah kongah President Donald Trump nih a timi keimah le ka nupi cu positive kan si cang i, kan i erhkhumh cang. Araoh hlan ah kan dam colh ko lai, Hi zawtnak thlichia hi Kan tei colh ko lai tiah thanhnak atuah.Donald Trump a sibawi nih a timi cu Trump le a nupi hna cu an ngandamnak attha i, tluangte in President nih a rian zong a pehzulh ko lai tihi ka zumh ko tiah a chim.

Hi konghe pehtlaiin thanhnak an tuah hlan ah Trump nih Fox News sin ah a chimmi cu kan i test mi result kan hngah cuahmah lio asi tiah thanhnak atuah tlawmpal ah atu bangin a result hi a vun chuah asi.Hi konghe pehtlaiin US phunghrampi US constitution ning ahcun President nih rian attuan khawh lo asi ahcun Senate President sin ah theihternak atuah lai ti asi.

Atu Senate President asimi Sen, Chuck Grassley nih Vice PRESIDENT Mike Pence cu Acting President caah athim lai i Vice president caah House Speaker Nancy Pelosi hi thim asi lai tiah phunghram he pehtlaiin kalpi asi lai. Trump te zawtnak an ngeihnak konghe pehtlaiin zawtnak an ngeihnak a ruang bik cu US President Trump a senior Advisers lakah abiapi taktak mi le WHite House ah caan saubik rian attuanmi Hope Hicks cu zawtnak angeih caah a chawnh hna lai tiah langhter.

Hope Hinks hi Trump a zul lengmang mi zong asi. Cun Trump sin Copter zongah a cuang ve mi a sipin ah Air Force One vanlong zongah aa cit ttimi zong an si i, Trump kal umnak paoh ah akal peng vemi asi. Rian biatak tein a ttuanmi asi i, atu ah zawtnak covid nih a vun tlak tik ah hin apoi ngaingai.Keimah le ka nupi zong zawtnak check kan si i, a result kan hngah lio asi. Kan i erh lai maw erh lai lo timi zong theih asi lo tiah Trump nih a rak chim.

Hope Hicks cu Trump le Biden biaelnak an ngeih hnu ah Fox News Sean Hannity Show ah interview angei i, cunak cun zawtnak hi angeimi asi tiah Trump nih a chim. Atu bantuk in Trump hnuzultu chungah abiapi ngaimi zawtnak avun ngeih tikah hin a voihnihnak debate zong siseh campaign rally tampi tuah dingmi zong a donh khanh khawhmi asi cang tiah an chim.

 

Be the first to comment

Leave a Reply

Your email address will not be published.


*