US PRESIDENT THIMNAK AH AN I LAWNGMI ATAM TAKTAK KHI ASI

Tutan US president thimnak cu tangka in lente aicelhmi lawngkasa tama (Gambler) hna zong tam taktak an thaap hna, Teinak a hmu lomi caah cun sunghzatlaknak tiang achuahter men hna lai. Cuve bangin teinak a hmumi hna caah cun miaknak tampi apek ve hna lai. Aa lawngmi hna cu atuhi an lungre lawng athei ve ko hna lai. Tutan US president thimnak ah an i lawngnak tangka hi atam taktak khi asi.

November nithum US president thimnak vote an thlak dih bak ah khan England Base Betfair ah tangka an thaap mi hi US dollar in 440 million bak asi. Cun a thaizing ah an i lawngmi tangka cu US Dollar 600 million aphan manh. Tutan US president thimnak ah an i lawngmi hi aliamcia kum 2016 president thimnak lio i an rak i lawngmi nak let in akarh tiah an chim.

Cun tutan US president thimnak ah New Zealand Base predictlt ah aa lawngmi hna nih an thapmi hi US dollar in 117 million asi rih. Zarhkhat aluan hnu ah an thaapmi hi 122 million aphan manh ti asi. Tutiang ah Biden dirhmun cu attha ngaingai cang ti asi i, Trump dirhmun cu atha lo deuh ah a um ti asi. Sihmanhsehlaw phungning tein an thanh rih lo caah chim awk attha rih lo.

Donald Trump Nih White House Chuahtak Ding kong A Chim. Trump nih White House chuah tak dingin a chim cang. Finfiahnak ttha taktak um lo in court-ah tazacuainak a chiahmi cu pawkpalawng an si cang ko. A duh zong duh lo zongah Donald Trump nih White House a chuah tak ruangmang hau cang ko hi. US President Donald Trump nih White House-ah press briefing a ngei i, hi biachimnak a ngaih lio ah thawnglatu hna nih bia an halmi cu a leh hna.

Electoral College nih Joe Biden an vote a si ahcun White House in a chuahnak ding kong cu a chimh hna. Sinain Donald Trump nih a chim rihmi cu thimnak hi a dong rih lo, case tampi chuahpi ding a ngaihnak kong cu a chim pinah January ni 20 tingah thil tam pi aa thleng tthan kho, court lei ah biatak tein kan cawlcang lai” tiah a chim. Thimnak i teinak hmuh lo zongah (concede) hi thil harsa tuk a si tiin a chim fawn.

Donald Trump a chim rihmi cu, “Tutan thimnak ahhin vote firnak (robbed) a um hrihrim i, mipi pawl thinlung a fakuk hringhran. Kum 2020 thimnak result chuak ding nih hin lamsaupi hmaban a ngei,” tiin a chim. Thawnglatu minung pakhat nih ning cang lo deuh in le fak fawn in bia a hal ruangah Donald Trump thinhung i, “Kha bantuk khan ka chawn lengmang ti hlah. America ram President ka si hi!” tiin thawnglatu pa cu a leh.

Be the first to comment

Leave a Reply

Your email address will not be published.


*