US PRESIDENT DONALD TRUMP KONG CU ATURU BAK KO CANG HIH

US President Donald Trump nih fiangpup in Supreme Court Justice caah Amy Coney Barrett cu nominate atuah cang. Trump thimmi hi Senate nih a cohlan a si ahcun rian khinh a si cang lai. Hi rian hi anmah duh thimnak in dinhnak an tuah lo ahcun nunchung an rian hi an ttuan cang lai. Tutan ah Trump nih nominate atuah mi hi Notre Dam University Law School, Indiana in a dih mi asi.

Aliamcia kum 2017 ah khan Donald Trump nih Chicago-base 7th Circuit Court of Appeals caah a rak thimmi asi i, amah hi Catholic KHRIHFABU mi asi i, nau hrawh tibantuk acohlang lomi zong asi. Amah hi LGBT pawl hna nih an huat taktak mi zong asi i, hrocernak zong an tuah lengmang mi asi. Cun Catholic Group timi zong ah People of Praise timi buu ah a um rih mi asi.

Trump timhtuahnak hi a ralaimi October ni 12 hrawngah Senate nih ceihkhannak an ngei lai i, anmah nih khuakhan lairelnak an tuah te dingmi khi asi. Senate ah hin Republican an tam deuh i, hi kongah vote 51 an hmuh a si ahcun Trump timh tuahnak hi fehternak an tuah te lai. Hi konghe pehtlaiin Senate Majority hruaitu Mitch McConnell nih hitihin bia rak chim.

Aliamcia kum 2016 president thimnak dih lai ah khan Democratic President Obama nih biaceihtu ding ah Merrick Garland arak chuahpi. Asinain thimnak dihlai asi caah an rak cohlang lo. Tutan zong hi Trump nih thimnak laite ah a vun chuahpi mi asi tikah zeitindah thilsining akalte lai timi hi ruah asi. Aruang cu thimnak he aa neih caah asi tiah aliamcia konghe pehtlaiin an vun langhter.

Donald Trump nih hibantuk in thimnak lai ah amah nawlngeihnak hmangin thil atuah mi hi asi deuh lo tiah Joe Biden zong nih a chim. Donald Trump nih hin amah attuan chungah Supreme COurt Justice pahnih Neil Gorsuch le Brett Kavanaugh hna rak thim cang hna. Atu ah Amy Coney Barret a vun si tthan i, hi zong hi atlamtlin ko lai tiah tthenkhat nih an zumh.

Be the first to comment

Leave a Reply

Your email address will not be published.


*