TULUK CAAH CUN VANCHIAT TAKTAK SI CANG AI, US NIH AN TLAIH DIAM CANG

US CIA agent tthing asimi Andrew Yuk Ching Ma cu Tuluk sin ah a thlithup in US biathli na zuar tiah sual an phawt i, an tlaih cang. Hi konghe pehtlaiin Federal Bureau of Investigatio hna nih Kum 67 asi cangmi Andrew Yuk Ching Ma cu biatak te le fak in a konglam an chim.FBI nih an langhtermi cu US CIA officer tthing Andrew Yuk Ching Ma nih hin US biathli hna cu Tuluk sin ah kum tampi chung a zuar lengmang tiah an ti. US biathlithup vialte hna hi US tangka tampi le thilri in a zuar lengmang tiah FBI nih an langhter.

Andrew Yuk Ching Ma hi FBI nih biatak tein dotthletnak an tuah hnu ah atubantuk in an tleihnak hi asi. Aliamcia kum 1982 in 1989 karlak ah khan amah hi CIA Agent arak si cangmi asi. Amah lawng siloin kum 85 asimi minung pakhat zong sualpuh asi rih. Amah zong hi kum 1967 in 1983 karlak ah CIA arak ttuan cangmi asi ve.

Hibantuk rampi leirawinak hi kum 2001 March thla ah arak cangmi Hong Kong hotel room konghe pehtlaiin dottletnak pehzulh in an tuahmi asi i, Kha lio caan hotel room chungah khan tuluk Intelligence official le CIA officer tthing pahnih hna cu an rak i tel ve tiah chim a si. Hotel room ah tonbiaruahnak an ngeih lio ah hin mah hna pahnih nih hin US biathlithup hna cu Tuluk sin ah an zuar tiah US Justice department nih alanghter.

Cun Hotel room chungah an um lio siseh tangka an i pekchanhnak vialte zong hi video ah hmuh khawh asi tiah an chim rih.Tutan ah an tlaihmi Adrew Yuk CHing Ma nih US tangka thongnga alak lio zong video ah hmuh khawh asi tiah Justice department nih an chim.

i24NEWS - US: Former CIA, FBI agent indicted for spying for China

Sihmanhsehlaw mah video hi ahonih dah a thlak hna timi tu cu an langhter chih lo. Hi konghe pehtlaiin aliamcia kum 1994 in 2007 karlak ah CIA arak ttuanmi Jerry Chun Shing Lee zong nikum november ah khan an tlaih cang. Amah zong hi US biathli vialte Tuluk sin ah a pek caah an tlaihmi asi i, kum 19 chung thongthlak dingin biachahnak an tuahpiak.

Be the first to comment

Leave a Reply

Your email address will not be published.


*