US AH A ZAMMI TULUK DR NIH A PHUAN TTHAN HOI CANG

Coronavirus Cu Tuluk Ralkap Sermi A Si.Tuluk ram Wuhan Virus kong hlat hleinak a tuah balmi le Hong Kong’s School of Public Health, scientist Dr Li Meng-Yan nih Coronavirus zawtnak hi Tuluk communist ralkap Military Lab in an sercop mi a si tiah a chim. Taiwan news, Lude Press he Live Streaming interview ah a chimmi a si.

Tuluk cozah nih Sahring thahnak wet market in zawtnak a chuak an timi cu hlen thawinak caah an chimmi an si a ti. Dr.Li Meng-Yan cu Tuluk communist cozah tlaih lai phan ah US ah a rak zaammi a si. Space X Rocket Vawlei Ah Kir Cang.Van le vawlei karlak, International Space Station ah May 30 in rocket in khua a tlawngmi, Bob Behnken le Doug Hurley cu dam tein ah August ni 2 ah Atlantic rili cungah an rak ttum cang.

California rocket firm SpaceX nih mah Rocket cu an sermi a si. A ngeitu cu US billionaire Elon Musk a si. Telsa motor company ngeitu zong a si fawn. Space X company cu 2002 ah a rak dirhmi a si. 2005 ah company riantuantu, 160 lawng a si nain 2019 ahcun riantuantu, 7000 an si cang.

Beirut Khualip Ah Bom A Puak.Lebanon khualipi Beirut khua tilawng dinhnak pawngah bom a puak tiah Lebanon’s state news agency NNA nih a thanh. Minung 30 renglo an thi I, minung 3000 an I hliam an ti. Bom a puakmi hi ngan dawh a ngai a si. Meng 125 a hlatnak Cyprus tikulh hmanh in an theih khawh ti a si.

Lebanon’s PM Hassan Diab umnak in zong a rawk I, a nupi le a fanu zong hliamhma an tuar ti si. Inn lo a rawkmi tangah a thimi le a hliammi tampi an um rih lai tiah an zumh. Chemical an chiahnak in a puakmi bom a si lai tiah an zumh. Credit: Salai Lairamthang