TUTIANG AHCUN ZUMH BIK MI A SI KO CANG HIH

2020 Chinram Thimnak Ding Caah Cuanh Chungnak Teitu Ding:Chin ram ah party ngan deuh ah ruah mi hna cu NLD, USDP, CNLD mah Pathum hna hi an si. July thla chung tiang i Chin ram party Pathum hna an cawl canghnak an chung lei thazaang cio an ttan hna ning le party cio nih an van thim cio mi hna zoh tik ah Election taktak tik i a parchuak cu a fiang ngaingai in a Lang.

USDP hi cu ruah ningnak in an tha zaang a ttum deuh lai, a ruang cu ralkap he a chung lei in ai tlaai mi an si caah Chin ram ah siseh Kawlrawn lei ah siseh an zor deuh lai.USDP cu Kawlram phung hram ttha lo Upadi Remhnak caah a duh lo bik tu le thimnak hi buai seh tiah a duh bik mi le NLD a dik lo ning in sual kawl le buaibai le hna hnawhnak a chuah pitu an si tawn caah le ၉၆၉ Mah Bah Tah Phungki deu a ttan tu hna le Kawlram Khrihfa a rem lo tu an si caah an thazaang a ttum cuah mah rih Lai.

CNLD party an dir hmun hi a tam deuh cu Mipi thaih le hngalh an si ko i, an i thimnak khi lung a tling lo bik mi thimnak a si, cun a tu lio ah Lu le Baan ah an hman mi hna an hruaitu hna pa thum lak ah pahnih hna khi le an tuan bia thaih dih mi an si Pu Ngaisak khi mipipa deuh a si,Than Tlang khua in Salai Ceu Bik Thawng khi hmun hmaa an pek ding a si na in an cawi saang duh lo,an Kian duh lo.

Pi Za Tlem le Pu Lal Mawng Cung nih hin Mino thazaang tthawng ral ttha mi backup an tuah duh hna lo mi ruangah khin Than Tlang Peng ah an me a zawr Lai i,Pu Lal Mawng Cung hi a sung kho mi a si.Cu pin ah mah le party cio ah hin Mino tuk le lung rang tuk mi le in tuarnak le lungsaunak a ngei kho lo ding hna hi cu I pek rih lo ah a ttha.

Chinram cu zei party pauh cak hna hmanh selaw buainak le hna hnawhnak cu a chuak tthiam tthiam lai,Khi tik ah Mino dir hmun cun buainak an tlaang tlaak kho Lai lo.Myone dang dang ah CNLD party hi a cak tuk lo,faak deuh in an I zuam deuh a herh rih Lai. NLD party hi Chinram ah a cozah a tlai lio tu an si tik ah dohnak le soiselnak hi cu a tam cem an si tiah an caih bik mi ah Online le Facebook ah an taar hna.

July thla Chung tiang i Chinram kuzale palai an I thimnak ah zei maw zat ah cun Mifim mithiam Mifel an I pe na in an Sungh mi ruangah khin Chinram NLD hi zei tin dah an si tiah Upa lung Fim ram daw tu pawl hna cu an lau ngaingai.A hnu bik thil sining an van caih mai tthan ve tik ah Chinram ah cun NLD nih TEINAK an hmuh hrim hrim Lai tiah politic thiam deuh pawl nih an hmuh ning an chim pin ah,an mah NLD party zong nih ral ttha te in an chim ngam ve.

2020 thimnak kawlram huap pi hin cun NLD nih a cozah an tlaih tthan Lai timi cu ral ttha te in an phuan cang.Cu ti i, Certer pi ah NLD nih cozah an tlaih ahcun Chinram zongah Chief Minister cu NLD party nih an tlaih tthan Lai a fiang. Chin ram ah Chief Minister ding cu Pu Soe Htet nih a tlaih te Lai timi cu an zumh cio bang Kan mah cio zong nih Kan zumh ve.Kan peh tthan te lai. Yangon Chin Unau