VAWLEIPI US NIH AN NAWL CANG HNA, TULUK NIH LEHNAK ATUAH COLH

US le Tuluk karlak ah buainak a chuak cang, Pakhat le Pakhat an i ngiar hoi cang. Hi konghe pehtlaiin US Intelligence Agency nih White House ah briefing an tuah. Hika ah an timi cu atulio zawtnak tlangrai asimi Coronavirus kongah hin Tuluk nih biadik taktak a thanhmi pakhat hmanh a um lo, lih lawng te a si tiah an chim phuan.

Hi konghe pehtlai tthiamtthiam US Vice President Mike Pence le Secretary of state Mike Pompeo zong nih an timi cu ramdang cozah vialte hna Coronavirus kongah hin biadik lawngte hi thanhnak tuah hram uh tiah nawlnak an tuah chih ve hna. Biadik thanhnak nih hin i runvennak le minung nunnak kham dingin thilttha achuahter lai tiah an ti.

Hi konghe pehtlaiin US Intelligents nih an chimmi cungah Tuluk Foreign Ministry nih fak lak in lehnak an tuah colh.Nan lunghring hlah uh, thuhnawh mi pakhat taktak hmanh a um lo tiah lehnak an tuah colh. Hi zawtnak in US ah a thimi hi nikhat hnu nikhat in an karh chin lengmang cang i, a thimi hi minung thongruk an tling deng cang.

Zawtnak angeimi hi an dihlak in minung tinghnih renglopi an si cang Nizan tihni leh bangah khan minung thongkhat renglo nunnak aliam i, vawlei cung ah nikhat chungah a thimi an bik lio caan a si. Aliamcia March ni 26 ah khan Italy ah nikhat chungah a thimi hi minung zakua renglo an rak si ve. Russia nih New York state caah medical Supplies 60 tons apek tiah an chim.