TULUK NIH KAWLRAM THEIH LOIN THIL BIAPI A TUAH CANG

Tuluk nih Myanmar ram theih loin Kachin Ramkulh ah ramri deet in kham. August 7, Kachin Ramkulh Kanpaikti khua pawng Tuluk-Myanmar ramri ah pe 20 tluk sang in Tuluk nih ramri deet in hau a kham. Pe 20 tluk sang in an kham/kulh. Myanmar ram vawlei tampi Tuluk nih an i laak. Tlang zong an i tel. Hika hrawng hi a ngaite cu Myanmar ram vawlei le tlang lawngte an si nain atu an kulh/kham ning zoh tik ah Tuluk ram ah aa cang.

Tuan deuh ah khan Ukhruaitu hna zong nih an zohfel bal cang. Tuluk nih minung kal khawhnak poh cu tlakrawh in canceo an kham i a cung ah thir in an peh. Fek taktak in an kham, tiah khuami nih a chim. Tuluk nih hi an kham mi hi duhlonak le hrawhpiak than ding kan i zuam lai tiah Kanpaikti Ukhruaitu nih a chim. Credit: THT

China Myanmar: China closes border crossing with Myanmar amid fighting -  The Economic Times

Laimi Thawng. Van Dawt Thang a umnak hngalmi nih zaangfah tein atanglei phone number ah thawng kan thanh u. A damlo tuk caah kan lungrethei tuk. Tuante ah a thawngpang kan theih khawhnak hnga zaangfahnak tein SHARE in kan bawm cio uh. Van Dawt Thang, kum 22 hrawng cu June 23 in atutiang kan pehtlaih khawh ti lo caah a chungkhar kan lungrethei tuk hringhran.

A umnak hngalmi nih atanglei phone number ah thawng thanh dingin kan in nawl hna. A tlaumi konglam tawifiang: Min: Van Dawt Thang, Kum: 22 hrawng, Nulepa: Pu Chan Dam le Pi Zing Tawl, Khua: Thantlang peng, Mualkai. Van Dawt Thang a tlaunak thla 2 si cang. Thil sining: Ka nau Van Dawt Thang hi 2018 ah China ram, Shandong ramkulh, Rihzhao khua ah kuli rianṭuan dingin a phan.

A damlo caah 2021 June 23 ah tlun aa thawh hnu in atutiang ka pehtlai kho ti lo, tiah Malaysia um a unu Far Khen Cuai nih a chim. A damlo tuk caah tlun lo awk ṭha lo i a tlunnak asi. Mah ruangah kan lungretheih khunnak asi. June 23 ah Shandong in taxi mongtu nih Shweli lei ah a kalpi. Shweli ah ka ṭhumh ko ati nain atutiang kan pehtlai kho ti lo.

Ka ṭa hi Shweli a phak hnu ah a phone battery dih maw si hnga, palik nih an tlaih maw si hnga asiloah zei dah si hnga ti zong kan hngal kho lo. Atutiang thla 2 leng kan pehtlaih khawh ti lo caah kan lungrethei tuk. A umnak hngalmi nan um ahcun zaanfahnak tein a tanglei langhtermi kan phone number ah thawngthanh dingin kan in nawl hna, ati.A umnak hngalmi nih thawngthanhnak: +60 1116 019 651 (Far Khen Cuai, Malaysia um a unu) +95 9260 129 494 (Tin Iang, Kawlram um an chungkhat). Credit: The Chin Express

Be the first to comment

Leave a Reply

Your email address will not be published.


*