TUKSUM LEI BAK ASI, VOTE FIRMI VIALTE HI AN LANGHTER CANG HIH

Ningcang lo vote vialte an langhter dih cang. US thimnak kongah Trump legal team abawmtu Attorney minthang  asimi Sidney Powell nih Michigan State ah Lawsuit atuahmi cu Michigan Federal biacaihtu Linda Parker nih a cohlanpiak lo tiah One American News nih alanghter. Federal Biacaihtu Linda Parker hi Obama chan ah Federal biacaihtu ah rak thimmi asi.

Tutan ah attorney minthang Sidney Powell nih a chuahpimi Michigan state nih an cohlan lo tikah US biacaihnak sangbik Supreme Court phaknak dingah caanttha asi cang maw sicang lomi hi biahalnak a ummi cu a si. Trump legal team hna nih video clip tiangin tehte an langhter ko nain Georgia state Governor nih cun zeihmanh thimnak ah adik lomi kan hmu lo tiah a chim.

Donald Trump cu Georgia state ah a sung i, Joe Biden thiamthiam teinak a hmu mi asi ko tiah Governor nih a tinain Georgia state republican Legislator, Senator le House of Representative hna nih zeihmanh biachahnak an tuahmi a um rih lo. Hi konghe pehtlaiin One American News nih Biden vote a hmuh ning le lih le hrokhrawl in vote akal ning cu atanglei bangin an langhter.

Pensylvania ah 81,000, Vote hmanlo 121,000. Wisconsin ah 20,000, Vote hman lo 200,000. Arizona ah 10,000, Vote hmanlo 300,000. Michigan ah 154,000, vote hman lo 548,000. Georgia ah 12,000, vote hmanlo 20,000. Cun Democrats pennak Nevada ah Biden vote sining le a dirhmun cu hitihin an langhter tthan. 33,000, Mithi vote 1,500, aitthial cangmi 2,500, Leihsa um lomi 8,000, Sipuazi tama pawl 15,000, State dangah a ummi 42,000, Vote firmi 95,000 hi vialte hi an langhter.

Hi konghe pehtlaiin zeihmanh thawngpang fiang hi a chuak rih lonain acunglei langhtermi lawng hmanh nih vote sining hi athlennawn ko lai tiah an zumh. Hitluk in ningcang lo vote an langhter ko nain Conservative media thleidennak angei lomi hna nih an langhter ruangah Trump dirkamhtu hna cu state hmunkip ah rally an tuah cuahmah cang hna.

Donald Trump dirkamhtu State kip ah Bus in akalmi hna hi minung an tamtuk hringhran ti asi. Hi konghe pehtlaiin US thimnak kongah thawngzamh ngan timi hna nih cun thleidannak an ngeih caah Donald Trump dirhmun athatnak vialte hna cu an langhter tawn lo i, zapi nih hmuh ding le theih ding atlawm ngaingai ti asi. Adonghnak taktak aphi achuak hi zeitindah asi lai timi cuanhcio asi.

Be the first to comment

Leave a Reply

Your email address will not be published.


*