TTIH NUNG HRUM AU THAWNG KONGAH AN ZUMH NING VIDEO

Nai zarhpi ah Tuluk ramchung thilcang kongah an zumhning an phuan cio hna. Zarhpini zanlei ah khan Tuluk ramchung Guizhou Province Xiushi timi tlaang ah khuaruahhar hrum au thawng le ttihnung tuksum taktak mi thawng an theih. Cu thawngpang cu video zong in ngeih khawh asi i, mipi vialte thinphannak in an khat hna.

Hrum authawng a chuahnak hmunhma ah a ummi hna cu an ttihtuk caah a zammi zong an um. Hi konghe pehtlaiin an chimmi cu ahlan zongah hibantuk hrum au thawng hi theih pah lengmang a rak si cang. Asinain tutan hrum au thawng hi ttihnung le tuksum taktak mi a si i, ahlan bantuk thil asi lo tiah an chim.

Tutan thil a cangmi ruangah Tuluk ram khuapi Beijing in vawlei lei thiamsang hna cu dottletnak tuah dingin an kal hna. Asinain an mah zong nih zeiruang ah dah a si timi an thei kho rih lo tiah an langhter. Hi konghe pehtlaiin minung tthenkhat nih an chimmi cu hithil hi Rulpi Dragon hrum au thawng asi lai tiah an zumh.

Minung tthenkhat nih an ti tthan ve rih mi cu a zualhma tukmi Tilian siseh lihninh maw asi loah meitlang puahnak ding theihternak asi ko lai tiah a ruatmi zong an um ve rih. Hi konghe pehtlaiin Khrihfami hna nih an ti vemi cu Bible nih a chim cang bangin Castastrphe a ratnak ding hmuhsak nak asi tiah an ti ve.

Minung tam deuh nih an zumhning ahcun hi thil a cangmi hi aliamcia kum 70 ah a nunnak arak liammi misual pawl, Pathian zong a zum lomi Tuluk hruaitu pawl hna hellram in an hrum au thawng a si lai tiah an zumh. Hlanlio hruaitu pawl a nunnak aliammi hna nih hin sualnak ngei lo mipi hna cu thongah caan saupi an thlak hna i, duhpaoh in an hrem hna ti asi.

Hi konghe pehtlai tthiamtthiam in a liamcia caan naite ti awk ah khan Tuluk ram tiva tthenkhat zongah khuaruahhar thil a rak um cang i, Nga pawl hna cu Ticung ah an laang hna i, an per thluahmah cang hna ti a si. Tutan thilcang hi, a video in a zoh cangmi zong kan um lai nain a zoh rih lomi caah video in kan vun thil chih. Ahrum au ning hi ttihnung taktak a si. hika hi voikhat in hmat law video na zoh khawh lai