TRUMP NIH ATEI BAK LAI. BIDEN LEI AN THINPHAN TUKMI A LANG CANG

US Thimnak kongah Donald Trump lei nih zumh atlakmi tehte an langhter ko bu ah zeiruangah dah Court nih an cohlan hna lo? Tukum US president thimnak kongah a buainak hmun hi abiapi in langhter ahcun State paruk asi. Hi state chungah thilcang vialte thimnak kongah buainak vialte Trump lei nih tehte langhter in court ah an chimmi cu pakhat hmanh an cohlang lo.

Hi state paruk chungah biacaihtu hna hi an dihlak in Democrats nih an tleihhip dihmi lawngte an si. Donald Trump legal team hna nih tehte zumh atlakmi 131 siseh witness thongkhat renglo zong chiarserh in bia akammi an si. Culawng siloin vote ningcang loin an tuah lio video tiangin an langhter dih ko bu ah zeiruangah dah an cohlan piak hna lo?

Hi vialte vote ningcang loin a ummi tehte an langhter mi vialte hi biacaihtu hna nih an cohlan asi ahcun Joe Biden nih teinak a hmu lai lo. Vote ahman le hman lo zohfelnak siseh vote minthut check zong an sianh hna lo. An reltthan mi zongah a dik maw diklo timi thleidannak tuah loin a hlan bantuk thiamthiam khan Joe Biden nih teinak an pek thiamthiam.

Ahman bak mi Vote, Minthut zong ahman bak mi, an zoh in an rel ahcun Biden hi a tling hrimhrim lomi asi. Cu thil cu an theihtuk ko nain vote minthut thatein zoh zong an siang lo. An humzual bak. Ahmanmi vote an rel asi ahcun Biden hi atla hrimhrim lai i, State Governor pawl an rian an dinhter tiang ahau lai.

Cucaah minchiat nak cun tiah tangka ziknawh lam a ummi vialte in alam an kawl i, an tuahmi khi asi. Georgia state Court secretary zong tuan deuh ah 106 million in zik an nawh timi fiang tein an theih cang. US phunglam ah hin Supreme Court ah direct in kalpi khawh asi lo. State court ah kalpi hmasa ahaumi asi. Atubantuk in state court nih Trump lei a cohlan lomi hna hi Trump lei caah Supreme court kalnak caah lamttha asi.

Supreme Court chuah hi Donald Trump lei nih cun an duh bik mi asi i, Biden lei nih cun an ttih taktak mi thil asi. Aruang Supreme court ah hin member pakua an um hna i, cu chungah minung paruk hna cu Donald Trump lei lawngte an si. Adang minung pathum tucu Biden lei an si hna. Supreme court an phak ahcun Trump hi teitu a si hrimhrim ko lai tihi afiang ko. Credit:RR

Be the first to comment

Leave a Reply

Your email address will not be published.


*