TRINITY LE ONENESS KOMH IN TAZA CUAI PHU ASI

Ral Adawmi cu hoikom serthiam an si. Thisa in kan unau cheukhat cu mi zumhnak le biaknak kongah rawlei kathawlo le ihhmu cimlo nak nih a temtawn hna.Trinity le Oneness komh in Taza cuai phu a si.Trinity kong a hrilhfiah len zongah aping le apang ah a chuahter, a caan ah Pathian cu pakhat lawnglawn bak a ti, acaan ahle ahramthok tein an umti a ti, acaan ah pathum bak an si i cu hna cu pakhat an si a ti.

A biachimmi alutaw hmanh a hngal tawn lo, tlawmpal ah Oneness nan zumhmi hi Satan a si a ti fawn, Oneness nih an zumhmi le an biakmi cu Trinity nih zumhmi le biakmi chungah aitel vemi Pathian Jesuh Khrih a si, Oneness biakmi Jesuh cu satan ati ko ahcu Trinity zumhnak zonh zeiah a rel lo a si.A caan ah Jesuh cu vancung i a kaihnu lawngah pei Pathian nih thlarau a pek i cuhnu cun amah zong cu Pathian sinak a ngeihko cu a ti.

Biakamthar Jesuh vankai hnu lawngin Trinity umter dawh a si fawn, biaknak pakhat le pakhat karah buainak chuahtertu, forhheihtu menmen a si.A langhlat i vuncuanh ahcun a tlai a thatuk lai tiah ruahsual afawite, A hnah lawng a rak si. Mathai 21:19. Mi biaknak kongah mi bia a ceih ningte hna le micung i a cuanning le ai hlorh ning zoh tikah hin, a hung chuakte lai timi kha ruahloawk a tthati lo. 2The 2:4-8;

Asinain, Jesuh nih, Mathai 5:43-44 ah Nan hawi kha va daw hna u law nan ral kha va hua hna u, tiah an ti tawn kha nan theih. 44 Sihmanhsehlaw kei nih cun, hitihin kan ti hna: nan ral kha va daw hna u law an hremtu hna kha thla va campiak hna u, a ti. Cubantuk cun, kei i ka hmuhtawk ahcun Pathian riantuantu hna cu, nangbu keibu tilo tein rian an tuanti hna, zoh an dawh, lomh an um, hinih a langhtermi cu Jesuh Khrih sal, tehte, amah zultu sinak kha a kan hmuhsak.Johan 13:34, 35.

Tahchunhnak van lak ka duhmi cu.Cahngia hran le Rul hrang kan timi hna zong khi, Saram zuatu hna nihcun a tleih an i olhtuk. Micheukhat cu rul kan tontik ah rul cheihnak dingah Thingle lung lawng kan kawltawn i rul cu a hran kan zualter chin, Uico bo zong khi thingle lung kawl ahcun an bo a zual ve, asinain saram tleihthiammi hna nihcun a lemte in an lem hna i an ngam zau, an ngam hnu ahcun a tleih an oltuk an ti.

An i cerhro chungah khin daite le cawllo tein nan um lai i mithmaitha nanpek hna lai, cun an lungthin a dam lai i an dai zauko lai an ti, cuticun nan tlaih colhko hna lai an ti.Jesuh nih mi tleih a fialmi hna cu cubantuk cun, rul hranghrang le Cehngia hranghrang kha nan tleih khawh hna lai, a rakti mi kha a si. Luka 10:19,20. Jesuh nih Rul a timi hna le cehngia a timi hna cu, Amah dotu zeidang thil ai bochanmi hna pawl kha an si. Mathai 23:33-36.

Asinain kha bantuk mihna sin i na um tikah nemnak tele dawtnak tein na chonhbiak hna ahcun na tleih khawh zau hna lai, Jesuh Khrih kha na zumhter khawh hna lai.
Paul cu cubantuk rul le cehngia hna sin i a um tikah, a tleih zauko hna. Cucu ral dawtmi hawikom serthiam cu a si. 1Kor 9:20- 21. Credit: Cung Hup Lian.

Be the first to comment

Leave a Reply

Your email address will not be published.


*