TLANGCUNG MI KAN CA KO AH RAL AN SI ZIA A FIANG TUK CANG

Ralhrang nih death penalty an pekmi hna thawng an thanh than.Thin a hun a zual chin lengmang. Ralhrang ziaza, lungput, le tuahsernak vialte zoh lengmang tikah a fiang tukmi cu: Zungzal in Kawlram mipi, a hleiin Tlang Cung mi hna caah ral an si zia a fiang tuk. An ciruang tiang in hloh dih ding hi kan hmuitinh cio a si hau.Tutan ah an tei hna lo zong ah nawlngeihnak an ngeih chung poah le an nunchung poah cu din loin teinak lam kawl peng a haumi ah kan um.

Anmah he hmailei khuakhan ti phun zong an si lo; daihnak khuakhan ti phun zong an si lo. Minung cu an si ko nain minung ruahnak le lungthin a ngeimi an si lo.CRPH nih terrorist bu an timi hna hi a hmaan tuk. IS ralhrang he an i dannak a um lo. Minung kelte a simi nih cun cabuai pakhat hrawm ti zong duh ding a si lo. Rawl zong dum ti duh ding an si lo. Kan kaa chung in kan luakmi hna naak hmanh in fih an nung i huat a tlai deuh rih.

Mipi an thahning hna, an tlaihning hna, an thihpheihning hna vialte zoh tikah hmailei ah ahohmanh nih kan doh ngam ti hna hlah seh; kan duhmi poah dolhkalhtu um loin zalong taktak in tuah kho peng u sih ti lungput chiahru an ngei.An nung chung poah cu kan ram le mipi nih future kan ngei lai lo. Minung lakah khuasa dingmi hrimhrim an rak si lo timi a fiang tuk. Cuccah kan saduhthah cio a simi Federal Cozah le ralkap chunmang tling hram ko seh! Credit: Luther Tin Hre

Myanmar military gets billions from profitable business: Amnesty | Human  Rights News | Al Jazeera

Pago Thil Cang Kong:Ralhrang Kawlralkap nih Pago mipi an thahmi hna cu tuksum a si ko. Nikhat chungah mah vialte minung an nunnak ralhrang nih an lak ko hna hi cu lung a fak ko. Nikhat chungah mipi a nunnak aliammi hi minung 70 hrawng an si tiah an chim. Ralhrang Kawlralkap hna nih nizan April 10 zingka suimilam pali renglo in mipi hna cu kah hram an thok.

Mipi nih i runvennak an tuahmi cu ralhrang kawlralkap hna nih hriamnam ngan in an kah hna caah a tubantukin minung 70 hrawng an nunnak aliam hi a si. Hi kahnak konghe pehtlaiin mipi lei nih an chimmi cu mipi nih runvennak an tuahmi cu ralhrang kawlralkap hna nih bomb he meithal he biatak tein an kah hna. An kah chung hi suimilam paruk khan a si.

Cun minung an hmuhmi paoh an kah thah hna. Ralhrang kawlralkap kahnak in a nunnak aliammi hi mipi lei nih cun minung pathum ruak lawng an lak khawh. Ralhrang kawlralkap hna nih an kah thahmi ruak motor ah an chiahmi hna hi minung 57 ruak an chiah lio hmuh asi tiah an chim. Hriamnak ngan in kah an si tikah mipi lei cu hnu an soh hna tiah an chim chih.

Theih khawh mi le rel khawhmi tiangah a thimi ruak hi minung 62 an si. Cun hliam a tuarmi chungin a nunnak aliammi he hin a nunnak aliammi hi minung 70 cu an si ko lai tiah mipi lei nih an langhter. A nunnak aliam zat le hliam a tuarmi zat hi fiang tein a dihlak in cazin lak khawh asi rih lo caah hinak zong an tam kho tiah an chim.

Hi konghe pehtlaiin Pago mino hruaitu pakhat nih a chimmi cu an thiltuah hi miphun cihmih an timhnak bak asi ko. Minung an hmuhmi paohpaoh an kah thah thluahmah hna. Rakhine ramchung ah a cangmi thil he aa khat bak. Tlangcung mi an tuarnak vialte zong tutan an thiltuah in ka fiang cang. Atu ahcun tlangcung mi lawng siloin kanmah kawl miphun tiangin aa kan thah ko cang tiah a chim.

Be the first to comment

Leave a Reply

Your email address will not be published.


*