THINTUR SI CANG BIDEN CU A THINPHANG BAK KO CANG LAI HIH

Joe Biden caah cun thawngpang chia ngaingai si cang. Pakhat khat cu thil acang hrimhrim te ko lai tiah minung tampi nih an zumh in an ruah cang. Tutan US president thimnak ah Biden nih teinak ahmuh tiah langhter dih asi. Trump lei nih cun thimnak hi Democrats hna nih hna ningcang loin an tuahto tiah court ah kalpi cuahmah asi. Biden nih teinak ahmuh timi kongah Trump’s DNI nih bia a chim ve cang.

Trump’s DNI John Ratcliffe biachim cu ttihnung ngaingai si ko cang. Tutan US thimnak ah teinak a hmu tiah thawngzamhnak ngan hna nih an langhter Joe Biden kong a chim. Atimi cu Joe Biden Admins hi an um lai maw kan zohtuah hna lai cu tiah fiang ko in a chim. Thimnak kongah hin zeibantuk dirhmun ah dah an um? Thimnak hi lih le firkhut in tuahmi asi tiah chim chih.

Tutan ah hibantuk in ttihnung ngaingai mi bia a chim tikah minung tampi hna nih cun thimnak kongah buainak hi a zual chin lengmang lai i, a donghnak ahcun buainak pical zong a chuak khomi asi tiah an chim. Joe Biden Admins an um lai lo maw um lai lo kan zohtuah hna lai tiah tutan ah a chimmi John Ratcliffe hi tulio Trump cozah ah DNI (Director of National Intelligence ) bak asi. Hi lio caan ah Georgia state vote a voithumnak cu atanglei bangin an phuan tthan.

President thimnak vote result cu a voithumnak bak Georgia Secretary of State Brad Raffensperger nih thanhnak atuah tthan. Thimnak ah a tlingmi cu Joe Biden asi ko tiah a voithumnak athanh tthan. Georgia state ah hin Joe Biden nih Donald Trump cu vote thong 12 in atei. Atlanta khuapi press conference tuahnak ah Brad Raffensperger nih thanhnak atuahmi cu atanglei bangin a si. Thimnak kongah vote ningcang loin a um tiah an ti lengmang mi nih hin Georgia state thinglung afahter ngaingai.

Atu ah hin vote cu voithum tiang kan rel dih cang. Sihmanhsehlaw vote an hmuh ning cang hi ai thleng hlei lo amah ning lengmang asi ko. Tehte um loin vote ning cang loin a um timi hi a hman lo hrimhrim mi asi i, biachokvai sawhsawh khi asi ko. Minung tampi hna nih thimnak kongah thil dik lomi a um bantuk in an chim lengmang hi ka theih. Sihmanhsehlaw an chim bantukin ning canglo thilhmanlo vote hi zeihmanh a um bak ko timi kan fianter khawh cang tiah a chim chih.

Georgia Sate thimnak hi cu adonghnak kan phan ko cang i, vote hman, legal vote lawng kan rel i, kan vote rel ning hi a dik in ahman tuk pin ah zumh atlak bak mi asi ko tiah Georgia secretary of state Raffensperger nih fiang ngaiin a chim chih. Thimnak konghe pehtlaiin Electoral Cout Act of 1887 phung bangin December ni 8 Safe Harbor Day tiah min an pek.

Hihi US thimnak kongah buainak hme tete a ummi kha hi ni le caan phisin ding tiah an timi asi. Hi ni le caan aphak hnu ahcun thimnak kong hi court ah chuahpi in langhter khawh asi ti lai lo tiah ti a si. December ni 14 ah Electoral College member hna cu tonnak an ngei lai i, hi ni ah President cu an thim cang lai. Tutiang vote an hmuh ning ahcun Joe Biden vote 306, Trump vote 232 ti asi. Zeidah a chuak te hnga cuancio ko hna usih.

Be the first to comment

Leave a Reply

Your email address will not be published.


*