THIMNAK KONG THAWNGPANG, KAN TEI HRIMHRIM KO LAI ARA CUAHMAH

Election Thawngpang Pehtawnh. Nihin Arizona I mipi theih in election lio Democratic an cawlcangh an chimmi cu a mak. Cu lakah pakhat cu Trump vote lawnhnak caah cabuai an sermi nih ka khuaruah a ka har ter. Joe Biden i vote cu an tian hna I relnakah an chiah, Trump vote tu cu hlawngnak cai tangbuai tangah an chiah zapi hmuh lo dingin minu pakhat nih ka hmuhmi hi atlawmbik ka Lawi hlanah thongkul renglo a si lai a ti.

Cun Georgia state ah vote relnak seh cu Reset kan tuah lai an ti hna, Democratic party nih a sullam cu vote kan fiarmi le Trump vote Biden lei kan thialmi hmu hna hlahseh ti khi a si ko. Na phone kha reset na tuah ah cun a chung ummi a hlawnh dih bantuk in tuah an duh. Trump lawyers nu nih computer a thiam bakmi ai hlan hna I a tuhi an kawl lio cucu Democratic nih an tih bikmi cu a si.

Vote relnak seh reset nan tuah kho lo, a herhmi zoh kan duh caah an ti hna. Trump lawyers hna nih.Tampi thawngpang a um mirang holh hi kathiam lotuk I ka letthlu kho lo, nikhat chungbak an hmuhmi an chimmi a tampi lakah pahnih te long ka tial rih lai.Kan tei hrimhrim hna lai. Kan tei lo le an kan tei ko lai. Teinak cu a ra lio, kei cu Lehmah pakhat hmanh kaithawn kho lo hmaiah ka kal peng. Credit: Joseph Thawng Z Ting

Nizan ah Trump nih a chimmi : US President Donald Trump cu Fox News ” Sunday Morning Futures” programme ah host Maria Bartiromo nih chawnhbiaknak angeih. Thimnak konghe pehtlaiin US President Donald Trump nih a timi cu Department of Justice siseh Federal Bureau of Investigation hna nih thimnak kong ningcang loin tampi a ummi an zoh sawhsawh ko mi hi cu apoi taktak tiah sual aphawt hna.

Department of Justice le FBI ah rianttuantu silaw na ruah hmasa bik ding cu thimnak hi adik maw, atlamtling mi asi maw tiah ruah dingmi asi lio ah khuazeiah dah an um dih, an thiltuah mi zeihmanh hmuh dingmi ka ngei lo, Halnak ka tuah hrimhrim Department of Justice le FBI nih hin an zohfel maw ka ti hna i, aw kan zohfel ko an ti. Zoh ko uhca, Comey (FBI director tthing), McCabe (FBI Deputy Director tthing) le midang hn? a hi khoika dah an um dih?

Thimnak kongah thildiklo a um maw um lo timi FBI hna nih hin Dominion Voting system kha zohfelnak kan tuah tiah an chimmi a um lo. Dominion hi khoika dah an hmunpi asi i khoika ah dah vote an rel timi zong ahohmanh nih an theih ttung lo tiah a chim rih. Abuai thlak ngaimi cu Supreme Court ah kalpi hi ahar sa ngaingai ko. Supreme Court ah hin phunglam atheimi tampi an um cang i, an mah sin ah phakpi hi ahau ko tiah a chim.

Hi konghe pehtlaiin a liamcia November thlathok ah khan Trump sihni pakhat arak timi cu thimnak ah an hmanmi Dominion Voting systems hi ningcang loin vote an tuahmi asi i, hihi ramdang mi an i thlaknak asi tiah arak ti cang. Cun Dominion Voting Systems hmangin ramdang asimi Venezuela le Cuba cun China hna nih thimnak hi an vun buaiter tiah Powell nih a chim ve.

Hi company a dirhtu zong hi aliamcia kum 2013 ah athimi Venezuela dictator Hugo Chavez asi tiah a chim chih. Tutiang sining ah US President Donald Trump nih cun thimnak ah ka sung bak lo tiah a chim i, thilsining cu ahnu ah afiang te ko lai, Supreme Court ah thil sining vialte kalpi asi lai tiah a chim.

Be the first to comment

Leave a Reply

Your email address will not be published.


*