TULUK RAM A PHANMI WHO NIH THAWNGPANG AN THANH CANG

Tuluk thiamsang hna le World Health Organization thiamsang asimi Covid dottletnak atuahmi hna cu tonnak an ngei cang. WHO team hna nih zawtnak achuahnak hmun asimi Wuhan ah Labs, market le sizung hna ah zawtnak kong biatak tein dotthletnak an tuah cang lai. Nizan ah khan WHO team hna cu zarhhnih chung quarantine an ngeih hnu ah an chuak cang i, tonnak an ngeih zong hi asi.

Hi konghe pehtlaiin Netherland, Erasmus University Medical Center ah rian attuanmi Marion Koopmans, Virlogist asimi nih atimi cu hmaitonh tein biaruahnak cu ahmasabik kan ngei cang i, programme vialte zong i ruahnak kan ngei tiah a chim. Tutan ah arak rami WHO team hna cu zarhhnih chungah an um lai i, zawtnak achuahnak hmun Wuhan i, seafood market zong an kal lai.

Culawng siloin Wuhan Institute of Virology zong an va zoh rih lai. Hi hmun le hma hna hi cozah tangah a ummi an si i, mah ka Lab in hin zawtnak akarhnak asi tiah an rak timi kha asi. Sihmanhsehlaw hi hmun le hmun in zawtnak hi akarh mi asi lo tiah Tuluk nih an ti ve. WHO team hna cu Tuluk ah tuantein rak luh an rak i tim ko nain Tuluk nih nawl an rak pe duh hna lo. Curuangah US zong nih zawtnak kong hi thuhnawh nan timh tiah an rak ti.

Hi konghe pehtlaiin in team ah aa telvemi Danish nih a chimmi cu kan rianttuannak tlamtlinnak dingah cun thilsining nih a langhter te ko lai. Zeitluk thiamsang hmanh si usih, zeitluk in ttuan hmanh usih, Tuluk bawmhnak tello cun zeihmanh kan tuah khawh dingmi asi lo tiah a chim. Tulio zawtnak covid hi ramkheel lei zong ah luhpi asi cang. WHO dottletnak tuah atimmi hna hi January thlathok in khan luh an rak i tim cang.

Asinain Tuluk nih luhnak nawl a rak pek hna lo caah WHO lutlai nih fak ngaiin Tuluk cu arak tthuat cang hna. Tuluk nih an timi cu Wuhan ah hi zawtnak a chuah hlan ah hin hmundang ka dangah hi zawtnak hi a um cang tiah an ti. Hi zawtnak hi aliamcia kum 2019 ah khan Europe ah a um cang tiah Tuluk thawngzamhnak hna nih an langhter ve. Cun US ralkap Laboratory ruahlopi in an kharmi kha hi zawtnak he pehtlaihnak angei tiah Tuluk ramdang palai nih a chim.

Tutan ah WHO thiamsang hna cu Tuluk ah an lut kho cang i, dottletnak tuahning cang zong an i ceih khaang cang hna. Tutan WHO team hna nih zeidah an hmuhchuah te lai timi le an hmuhchuahmi report ah hin thilsining cu afiang te lai. Zawtnak hi tthenkhat nih cun Tuluk serchuahmi asi tiah an chim. Hi ruangah minung tampi tleihkhih le thah an rak tong ti a si.

Be the first to comment

Leave a Reply

Your email address will not be published.


*