THAWNGTTHA TAKTAK A SI. AMBASSADOR LE SPECIAL ENVOY TIMI HI AN I KHAT LO

Technical tein cun, Ambassador le special envoy timi hi an ikhat lo. Aa dangmi an si. Aa khat in a hmangmi media cu an um lengmang ko. A tak ahcun, Ambassador hi a ngan deuh i, special envoy hi a fa deuh. Ambassador cu Head of State, ram pakhat i hruaitu/ president/ Prime Minister a aiawh, Head of State dirhmun in ram dang or UN ah a va ummi khi an si. Special Envoy hi ram pakhat/ organization pakhat aiawh/representative cu an si ve i, an dirhmun/ status cu “messenger” khan hi an si.

Dr Sasa cu CRPH nih UN ah special envoy in an thlah. UN ah CRPH a aiawh lai tinak a si. A aiawh ning ding cu,”messenger” dirhmun in a si hnga. New York UN ah Myanmar Ambassador Kyaw Moe Tun kha Min Aung Hlaing, Cozah thar aiawh in bia a chim te men lai tiah Vawleipi nih an zoh lio ah, ruah lopi in, NLD Cozah thar, CRPH in a von chim tikah “Good News” taktak a si.

Ralkap nih kan phuah an ti colh nain UN nihcun, Myanmar ram ambassador dirhmun in a um rih ko tiah an chim cang. Cucaah, Min Aung Hlaing nih amah aiawhtu ah a thar a von thlah dingmi hi UN nih cohlang lo khawh an si cang. Zeicatiah, MAH Cozah, State Administration Council hi, UN hrim nih an recognize lomi a si.

UN ah Myanmar Ambassador Kyaw Moe Tun nih CRPH a von dirhkamhmi hi, CRPH nih special envoy ah an von thlah mi Dr Sasa caah thawngpang ttha taktak a si tiah ka ruah. Dr Sasa caah riantuan a fawi deuh chin chin lai. CRPH ca hrim ah UN ah hmun an ngei cia bantuk ah a cang fawn. Cucaah, Kawlram caah good news aa chap chin lengmang ko. Catialtu: Zasang Cinzah.

US Ummi Caah Thawngttha: $7000 Funeral Expenses Reimbursement Program. A thei ciami nan um ko lai nain a thei lomi caah siaherhnak he kan hrawmh chinmi hna a si. Covid-19 he a pehtlaimi zawtnak ruangah athi mi hna chung nih an dihmi phaisa chung in $7000 ngah khawhnak program a si. Mah program cu Federal Emergency Management Agency [ FIMA ] nih an tlaih chimi program a si.

Mah bawmhnak hi Donald Trump President a si lio caan ah congress nih an pass i, President Trump nih December ah min a thut ciami a si. Asinain mah bawmhnak cu February thla canceo lawng in a nungmi bawmhnak a si. Cucaah 2020 January thla in 2020 December thla tiangah a thimi hna nih mithi death certificate, nan dihmi invoice le receipt in Federal Emergency Management Agency [ FIMA ] website ah sawk in $7000 ngah khawh a si.

Mah bawmhnak a ngah khomi hna cu income a tlawmmi hna low income family pawl nih hngah khawhmi a si. Cucaah nan chungkhat a thimi an um ahcun FIMA website ah information tlamtling deuh in hlathlai hnu ah sawk ding a si lai. A thei lomi caah share chin te ulaw. Credit: Salai Lai Ram Thang

Be the first to comment

Leave a Reply

Your email address will not be published.


*