THAWNGPANG THAR. US PRESIDENT KAN NGEI TE LAI LO

Tuzing Thawngpang Thar Deuh.Tuzingah thawngpang tawite biahalnak an tuahmi hna chungin an ruahnak an chimmi pawl kha tawite tial ka duh. Trump tanhtu kan si zongah Joe Biden tanhtu kan si zongah thildik tu hi khawikadah aum timi lamleiah kan kal hi a tha bik.Tuzing tiangah bia an halmi hna, cun State nih afehter cangmi Electoral Collage cu aithleng thanlai ti cu kan zumlo.

Mah belte Tazacuainak an tuahmi chungin tehte tha he an kal ko caah, Trump tanhtu an dirhmun a tha chin lengmang an ti. Sihni pawl nih tehte tha tampi mizapi hmuh le Biacaihzungah tha tein an chuahpimi hi a zohpiak hna hi a biapi . Tehte tha an hmuhmi cu mipi nih kan hmuh dih cicek ko caah , a tu cu ahram long ai kal rih.

Cun kanmah zong nih kan ruahmi le kan hmuhmi cu Trump hi teitu a si ko an ti. Ziah a teiko tiah na hmuh, zeidah a cang kho ti haltikah, Ramchung ral atho kho, khitikah President kan ngeite lailo i,Trump nih bia achim te lai an ti. Trump dirkamhtu hi ngol an tim tilo caah thil lianngan achuak kho tiah an ti. Kanmah zong nih kan dirpi TRump an ti. Sen.Rendpaul ,Trey Trainor nih.

Anmin katial lomi tampi nih Twitter ah an tar cio. An chim cio, a um bal lomi lih hrawkhrol tuahnak hi kan ngol hrimhrim lailo an ti.Atu cu Joe Biden chungkhar le a fapa Hunter Biden kong cu a hramin hlai cuahmah a si ve cang Mipi nih nan hmuh te lai, Next President Cu Trump a si ko lai an ti.January ni 6 thil lianngan kan hmuh te lai an ti. A tu cu a caan atam tukrih, thil tamtuk an thleng te lai. Tuahawk rian le vote relthannak adih rih lo an rel cuahmah caah thilfiang a si rih lo an ti.Palhnak aum le kachim te u. Laknak: Newsmax

Rep. Mo Brooks nih Trump nih Electoral Collegeah atei a ti. Pahnih thimding kan hmaikaah aum cang, Pakhatnak cu antangah kan kun lai maw? kan doh cang hna lai dah. Hihi pahnih long thimding kan hmaika a um cang. USA mipi caah dohve hi a tang cangmi a si ati. Laknak: Foxnews. Catialtu Joseph Thawng Z Ting

Relchih: 46th President of United States. US president cu Joe Biden asi ko cang tiah Donald Trump adirkamh bik mi le Republican nih an hruaimi Senate ah Majority Leader asimi Mitch McConnell pumpak nih lomhpinak bia nihin ah achim cang. Hi bantuk in thawngpang kan țial tikah Trump le Biden țanh deuhnak kong kha asi lo i US politics nih angeih mi Phunghrampi le cozah umtuning ah thawngpang fiang um mi kha kan thanh mi asi.

 

Mitch McConnell nih; Nihin ah president caah thimmi Joe Biden kan lomh pi i “US nih kan tuanbia ah ahmasabik nu nih Vice President ațuan dingmi hi American minung vialte nih i uanpi cio hna usih” tiah Kamala Harris lomhpinak zong achim chih. Cucaah US thimnak cu el awk um ti loin Joe Biden nih atei ko cang caah Trump țanhtu zong, Biden țanhtu zong nih teinak kha cohlan khawh veve abiapi.

Lih le fir kong kha cu kanmah el hau loin US biacheih zung țuanvo asi ko caah asining tein akal ve te ko lai.Phunghrampi ning tein January 04, 2021 ah khin House of Congress ah December 14, 2020 i Electoral College palai 538 nih an thlakmi thimfung kha an rel lai i cucu adonghnak le fehternak asi cang lai. Ramkip nih lomhpinak an chim cang i Vladimir Putin (Russia) hmanh nih lomhpinak avun chim ve cang.

US ram cu zei bantuk President an rak ngeih bal cangmi, an ngeih lio mi le hmailei ah an ngeih te lai ding viallte nak hmanh in an ram Phunghrampi (Constitution) angan deuh, Donald Trump nak zong in angan deuh i Joe Biden nak zong in angan deuh. US ramhruainak ah asangbik cu an Phunghrampi asi.

Speaking on the Senate floor, Mr McConnell said: “Today I want to congratulate President-elect Joe Biden.”Also congratulating Mr Biden’s running-mate, Kamala Harris, he added: “All Americans can take pride that our nation has a female vice president-elect for the very first time.” This is the final nail in the coffin to seal that the 46th president of United States of America is Joe Biden.Credit: Victor Khen Sang

Be the first to comment

Leave a Reply

Your email address will not be published.


*