THAWNGPANG CHIATUK. TRUMP CU BAWMH KHAWH DAWH ASI TI LO

US Vice President Mike Pence nih tutan Congress Joint Session ah mawhphurhnak angeih mi vun zohcio hna usih. Joint Session, 1887 Election kongkau US Consitution nih alanghter ning in a hruai lai. State kip in official hna certification tuahnak ca seal an cumhmi vialte hna cu onnak atuah lai i, Congress chungtel minung panga hrawng azohter hna hnu ah thanhnak atuah lai.

Cun Republicans chungtel Trump lei ttang Senators hna nih biaruah ttinak an tuahmi cu suimilam pahnih hrawng, Agenda pakhat ah asi lai ti asi. Chim ruah tti debate an ngeih hnu ah Joe Biden teinak cu vote in an kalpi lai.Congressman zaruk renglo hna cu republican minung zakhat hrawng nih buainak an chuahter khawh lai lo caah Biden cu atling lai tiah an zumh.

Cu ticun Biden cu January ni 20 ah president tuan dingin luh asi cang lai. Cucu America Vice President nih a nawlngeihnak hmangin adan khawh lomi thil asi i, Vice president khenkham khawhnak dingmi phunghram ah a um lo ti asi. US Vice president cu phunghram nih alanghter ning cun Joint Congress Session ah hin biachahnak atuahtu siloin Presiding ceremony tuhi khi asi.

Vote rel ti ah hin US State vialte i, election official le governor hna nih certified an tuah cangmi cu Congress ah cabawm in kuat asi. Cubantuk thil cu afiang cangmi khi asi tinak asi i, cucu fehternak an tuah lengmang mi khi asi. Cubantuk thil akal dingmi cu Vice President Mike Pence nih ahruai dingmi le atuah dingmi cu asi caah Biden tlinnak ka cohlang kho lo tinak nawl angei lo.

Hikong he pehtlaiin Trump atanhmi hna nih Vice President nih Donald Trump cu president asiter lai timi achimmi tampi an um. Asinain ahman lo mi thil asi. Joint Session ah biachahnak atuahtu cu vote lak hi asi. Amah nawl in vote thlak mi hi Vice President Mike Pence nih nawlngeihnak angei lo tiah an langhter mi chungin theih khawh asi. Asinain tutan hi ningcang lo vote timi kong asi tikah buainak achuak ko lai tihi an zumh.

Be the first to comment

Leave a Reply

Your email address will not be published.


*