THANHTU RUANGAH AN SUNG, AN TEI

Ttanhtu Ruangah An Sung, An Tei. 1990 thimnak lio ah Pu Lian Uk MP he inn khat ah kan rak umtti lio hna a si. Amah inn (Vakok Bu tiah Hakha nih an rak theihmi inn) ah kan rak um. Tang 5 ka rak kai lio a si. Tang 6 a kai ding ka si cang nain 1988 Kawlram buainak ruangah sianginn khar a si caah tang 5 lawng ka kai.

Ihnak khan pahnih, innpi le coka lawng a ummi inn hme nawnte a si caah, inn chung ah i ceihmaimi bia paoh hi theih khawh pah dih ngawt a rak si.Cu lio an rak i ceihmaimi tampi lakah ka lung ah atu tiang a cam pengmi pakhat cu thimnak ah ttanhtu ttha ngeih a herhnak kong a si.Party pakhat kha siseh, MP a cuhmi hna a ttanhtu hna kha siseh, dai tein a um ziarmi khua mi le pengtlang mi hna nih an zoh ziar tawn ko hna.

Khuami le pengtlang mi nih upatmi hna nih an dirpimi le an ttanhmi party cu, khuami le pengtlang mi hna nih upat ve le thimfung thlak ve ding ah a ruatmi an tampi ve tawn. Cucaah khuami nih bochanmi le pengtlangmi nih bochanmi hna nih ttanhmi si ding kha an i zuam tawn hna. A ngaingai ah, cu bantuk sining cu vawleicung ram tampi sining a si pah ttheo.

Amahbel, hruh ttanh in mi ttanh a hmangmi hna ruangah thimnak ah thimfung tampi sungh khawh ve a si. Cuti i hruh ttanh in party le minung a ttanhmi hna kha khuami le pengtlang mi nih upatnak pekmi an si lo lebang ahcun, thimfung sungh chinchinnak a si tawn.Cucu Pu Lian Uk MP inn ah 1990 thimnak lioah ka rak umnak in ka theihmi siseh, thimnak kong zeimawzat te, a tlawmte taktak ka rel le ka cawn venak in siseh ka theih ve mi a si. 1990 thimnak lioah a pa MP ah a rak i cuh bal vemi ka kawi pa zong nih ttanhtu ttha ngaih a biapitnak kong hi a ka ruah tawn. By. Nathanpa LD Hmung

Relchih:Hlen hmang ramkhel thluak, 1.Tihni ah CNF luhnihnak asi mi kan pa nih 2019 kumdongh leiah khan Pi Suh le NLD nih tulio kan kalpi cuahmah mi hriamtlai le cozah kar remdaihnak ah a thlungpi asi mi bia 5 hna cu an cohlan caah anmah nih 2020 tei ak an hmuh a hau tiah Kawl party NLD cung i a ruahchannak achim. A chimmi ni hnih a rauh hlanah Pi Suh nih 5 lak i a muru asi mi State Constitution/ ပြည်နယ် ဖွဲ့စည်းပုံ အခြေခံဥပဒေ cu kan cohlang kholo arakti huar ko caah kan pu lila nih a ngeihchiatnak kha tawnpumhnak ah a langhter.

CNF kan pu nih maw aa theihpalh hnga Pi Suh dah lihbia achim hnga ticu Pathian le anmah nih an hngalh lai. 2. Nikum ahkhan Chin state NLD cozah nih eiruknak a ngeitu tiah a rian in an dawichuah tu pa Salai Isac cu a mualphoh tu NLD a pi le pu hna nih an party teinak hmuhnak hnga ca i carbon-dioxide chuahtu lubik ah an hun thim le ilapngai in a cohlannak kong a pheh book cahmai ah aa tar.

Hi a cunglei thil pahnih nih tulio NLD an lungput le sining siseh, ramkhel ah miphun dawtnak hram aa sih korua ti kan ruah lioah ruahning bang silo in a kal tawnnak a langhter caah CNF nih miphun rian kan khel an timi cungi ka zumhnak a zorter i NLD nih an keng leiin steel-bone a hrenh hna ahcun an thawl ciami hna zong nih an fuhthannak kha a ka fianh chinchin.Cucah cun Chin asi mi nih Chinism ngeih kha kan rian asi i Kawl party ah ruahchannak i ngeihtuk bu i Chin miphun dawt kha zumhawk tlak in ka hmulo. By Peng Hlawnceu

Be the first to comment

Leave a Reply

Your email address will not be published.


*