TEINAK DING KONG DR LIAN HMUNG SAKHONG NIH A CHIM CANG

CDM: Teinak Lampi: Pakhatnak. CDM cu teinak lam asi. Zalawnnak le Luatnak asi. Pahnihnak. CDM kan tuahnak thla khat areng ti lo. Nunnak aliam, thisen aluang, kan tha zong aba ngai cang. Asi nain: nan lung dong hlah seh. Kan tei lai. Pathumnak. CDM tuah cu: Lai paih thachung-ngerh le Vailam put he aa lo kan ti cang. Lungsau ahau, tei rial ahau!

Military moves into Yangon as anti-coup protesters flood streets | The  Japan Times

Palinak. CDM tuah cu Lamzawh phunkhat long asi lo. Zung kai loin um long asi lo. Aphun phun in tuah khawh asi. Inn chung ah dai te thlacam, aho hmanh akhau-pi tein leng chuah lo zong in tuah khawh asi ko. Panganak. CDM tuah tik ah, Ralkap Uknak kan duh lo; Ralkap Uknak kan hrawh lai; Ralkap Uknak arawh hlan lo, kan ngol lai lo tiah phun tampi in lam kan kawl lai; kan peh lai; Teinak kan hmuh hlah tiang kan ngol hna lai lo. Bawi Zisu nih lam akan hruai lai. Thiang thlarua nih akan um pi lai. Pathian nih teinak akan pek lai. Teinak cu Pathian ta asi. Credit: Dr. Lian Hmung Sakhong

NCA-S EAO | Opening Remarks on the 18th UPDJC Meeting Delivered By Dr. Lian  Hmung Sakhong

Relchih:Nihin Thawngpang: Pakhatnak. Palik 400 Renglo CDM An Lut Cang. Hmunkip in Palik 400 renglo CDM ah zapi theih tein an lut cang. Tidim lei in palik 40 hrawng CDM lutmi an si ve cang. Zapi sinah theihter rih lomi zong an um kho men. Luh a duh ko nain a phunphun ruangah a lut rih lomi tampi an um ti a si. Nihin ah Thantlang in ralkap bawi pakhat zong CDM ah a lut tiah thawng an thanh. Pahnihnak. Myanmar Embassy Riantuan 30 renglo CDM An Lut Cang. US; Germany, Switzerland; Japan, Israel ram ah Myanmar Embassy kawlram tanzung ah riantuanmi minung 30 renglo cu CDM ah an lut cang. Nihin ah UK i Kawlram tanzung palai pa zong nih kei cu Daw Aung San Suu Kyi lei ah ka tuan ko lai tiah a chim.

Pathumnak. MRTV Riantuanmi 200 Hrawng CDM An Lut. Kawlram thawngpang chimnak MRTV ah riantuanmi 200 hrawng cu CDM ah an lut cang.Palinak. Virus Ruangah Lahkhah Thla Hnih Ca An Thohmi Hna Cham Ti Lo Ding. NLD cozah nih virus ruangah thlah hnih ca in lakkhah a rak thohtermi hna cu cham ti lo dingin CRPH nih thawngthanhnak an tuah.

Panganak. Nihin Sandahpiahmi Minung Pathum An Thi. Nihin sandahpiahmi hna cu palik le ralkap kahnak hna caah Myitkyna in minung 2 an thi i, Phiapung in minung pakhat a thi. Nizan ah palik le ralkap kahnak in Tilin ah pakhat a thi. Nihin tiang sandahpiah chungah minung 58 an thi tiah theih a si. Paruknak. Thawngthanhnak Media Pa Nga An Khar Piak Hna. Kawlram Media a simi DVB, Mizzima, Myanmar Now, 7 Days, Khit Tit Media pawl hna cu an phih, an khar piak hna.

Pasarihnak. Ralkap Nih Private Bank Pawl An Onter Hna. Nihin thawkin private bank vialte nan on dih lai, nan on lo cun dantat nan si lai tiah ralkap nih thawngthanhnak an tuah ko nain, riantuantu pawl CDM an tuah ruangah private bank pawl an ong hna lo.Thawngpang lalnak : BBC, VOA, RFA. Nihin Kawlram thawngpang ka van in hrawmh chinmi hna a si. Mipi nih teinak kan hmuh dengmang cang. Bawipa thawngin kan tei ko lai. Teinak cu Bawipa ta a si. Amen. Credit: Abraham Sang Nawl

Be the first to comment

Leave a Reply

Your email address will not be published.


*