TEINAK A HMUHNAK ARUANG BIK PU TIAL LING NIH A CHIM, AMAK KHO TUK

Lai miphun nih Upat awktlak kanpa, Pu Tial Ling bia rosung i ciinken hna usih. Ka nau. Veimuu A tu bantuk in teinak ka hmuh mi hna hi..Ngeihchiah chawva le fim thiamnak zong, Hawi bantuk in ka tlinh lo.
Asi nain Pathian biaknak ah siseh, Chiat ni tthat ni ah siseh, Cun abik in dinfelnak lei ah si seh,

Ka sikhawhtawk in kai zuam ii ngeihchia mi kha, ka hnemh hna, Ai lawm mi sinah, ka lawmh pi ve hna, Pathian biaknak ah ka umnak hmun paoh in ka pum kaipee, dinfelnak kha ka ttanh, Cu ti ka tuah mi hna kha atu hi mithmuh le kuttawngh in ka sin ah a rak kir tthan tiah ka ruah. Cu caah chiatthat nak le biaknak, Dinfelnak hi…

Lai miphun ka nau le nan si khawh tawk in i tleih ringring uh law i zuam hram ko uh, tiah bia tawi a ka ruah, Kai lawm tuk. Lai miphun nih zohchun awktlak kanPa, Pu Tial Ling , A rianttuannak ah Bawipa Pathin nih umpi seh law lam hruai zungzal ko seh. Credit: Penghu Cinzah.

Salai Chan Ceu Bik cabia, CNLD an sungnak aruang pa (6) Pakhatna. Target pi covo laknak kong zaran i fian a har. Tc, Zaran hngalh duhmi land reform kong ah pupa ram cohlan a si cun a ngei lomi vialte hna cu tah? Next level khi tah? Biahalnak tampi kha kha i fian aherh. An i fian lawng ah thimfung an hmuh lai ca ah nan fiang lo ti menmen a ngah lo.

Pahnihnak. Minung khuasaknak kong an chimmi a tlawm, afoinak in development lei kan ti khawh. Minung cu khuasaknak a ruatmi kan si deuh, adang cu next a si. Tc, Khuasak tintuknak ah aherhmi “din ti” kong hna khi hei chim hna sehlaw thimfung an ngah ngai hnga. Ho paoh tuahmi an si ti lawng a ngah lo. (An policy cauk chuahmi cu a tha ngai nain mipi nih an rel rua lo, a chuah cu pei a tlai cu. Mipi zong carel kan huam lo ca ah an policy kong fianhnak caan a tlawm).

Pathumnak. An minung (Candidate) quality a chambau deuh. Fimnak level ah NLD nih an tei deuh hna. Thimnak lai lawng ah party a lut i ramkhel ah a cawlmi an um ca zong ah a si ve. Part-time in ramkhel tuanding a si lo. Minchiatnak a ngeimi zong an um fawn. Chin rammi cu fimnak le a minung tuanbia a zohmi deuh an si.

Palinak. “Voice” deuh in an kal. Statement hei ti, an uar tuk. Anih bialehnak tbk kha an tuah lengmang. Voice cu thazaang dermi nih an tuahmi dan a si. Mah kha si lo in a tuah tuannak in an langhter awk a si. Tc, Inn hrawhpiak a tongmi hna va ton i, an duhning aupinak! Panganak. Online an i rinh deuh. Vote cu upa deuh nih thlak a si ca ah vote a thlatu sinah chim le rel deuh aherh timi a si. Cucu an nganh deuh tiah ka ruah. Tc, Khuate lei deuh ah CNLD an der deuh in ka hmu. Abik in Internet or phone a that lo deuhnak ah a si. Tc, Fahau khua result nih Pu Robin a sungh ter.

Paruknak. Mi cawnpiak an huam tuk. Internet ah mi a cawnpiak i “na fiang lo, ram na daw lo” timi biafang a chimbik hi CNLD thapetu an si kho men. Cucaah, mi an nawr. Huat an tlai. Kanmah zong CNLD a thatnak kan chim tikah adang party thapetu nih an kan huat dih. Hihi aa thawknak cu chim hrinh phun in an um ruang ah a si, tiah ka ruah. Sungh cu problem a si cang i, mah problem cu solve nak ah i check kha aherh. Hi a cung ka tialmi hi ka hmuhning a si. Ka tanpimi nih hi paruk hi an i remh cun a ttha tuk lai tiah ka zumh. The Chan, Credit: Salai Chan Ceu Bik

Be the first to comment

Leave a Reply

Your email address will not be published.


*