TAMPI I THLAK KA NGAH LO CAAH 2008 PHUNGHRAM KAN I FIAN AHARH MI

2008 Constitution Ning Tein Kan Saduhthah Mi Le Kan Tuah Khawhmi Kan I Fian Aharh Ko Lo Maw?2020 General Election cu November 8, 2020 kan tuah lai tiah Union Election Commission nih cun aphuang ko. Asinain, Covid-19 zawtnak cu, ni khat hnu ni khat a karh chin chin, Home Stay, Stay Home, Lock Down, Download (Capobia), Quarantine hna he Myanmar/Burma rampi cu a buai cup ko.

Union Election Commission nih Divisions (7) le State (7) Candidates pawl min an chuah. Magwe, Rakhine le, Sagaing Division Chin Affairs Minister Candidate pawl min zong an chuah.Rakhine State Chin Affairs Minister caah aa cuh hnga ding mi Candidate (9) an si. Sagaing le Magew Divisions pawl ah Chin Affairs Minister. caah aa chuh hnga ding mi Candidates pawl hi (11) ve ve an si. Chin timi national identity le nationalism ah kan kai sang deuhnak maw a si hnga?

Kan i then thek deuhnak dah a si hnga, a ruah awk ka thei ve lo. Cun, CNLD, ENDP, IND (Cdd, KNP, NLD, NUP, UBP, UDP, USDP, ZCD, ZRDP, le adang ka theih lo mi Party pawl zong an um rih kho men. Mynamar/Burma Citizen ka si ti lo tikah, Myanmar Politic ah faktuk pi in i thlak a ngah lo. Pumpak in si seh, Bu in siseh, Consultation tuah cu a ngah nain, Openly in a ho party (Endorse) ka tuah ti a ngah lo.

Legal Profession in paw a cawm mi ka si caah, fak pi in, i ral rin a herh. September 8, 2020 hlan ah si seh, September 8, 2020 hnu ah siseh, Online le a dang Media Outlet tampi in, Candidates pawl Interview an tuah mi si hna seh, Party cheukhat nih an chuha mi Political Slogans si hna seh, Party Manifesto pal si hna seh, kangai, karel i, an dirhmun (State Hluttaw Member) caah maw (Candidate) si an i timh?

Amyotha Hluttaw Member caah maw (Candidate) si an i timh? (Pyithu Hluttaw Member) caah maw (Candidate) si an i timh? ti mi ka fiang kho lo. Keimah san tlai lo a si kho mem. Zei caah tiah, 2008 Constitution ning in (Union Hluttaw) timi Amyotha Hluttaw le Pyithu Hluttaw fonh mi a um. Cun, (Amyotha Hluttaw) tiah Division le State kip in Member 12 veve tel mi Hluttaw a um rih. Township based in serh mi (Pyithu Hluttaw) zong a dang te in a um rih. Cu Hluttaw pawl i, an rian cu, (Legislation) (Dan Serh) a si.

Zei ban tuk kung kau ah dan an serh kho ti mi cu, Schedule (I) ah Chapter (12) in an thenh piak i, Sector (12) a um. Sector (12) tang ah hi (Section kan ti lai maw Issues kan ti lai maw, azapi in 120) a um. Mah hi AMYOTHA HLUTTAW le PYITHU HLUTAW a cuh hnga ding pawl nih (Legislate) an tuah hnga ding a si.UNION (Pyithu Hluttaw and Amyotha Hluttaw Combined), Pakhatnak. Defense Sector (7), Pahnihnak. External Affairs Sector (7), Pathumnak. Finance and Planning Sector (7), Palinak. Economic Sector (7), Panganak. Agriculture and Livestock Breeding Sector (12), Paruknak. Energy, Electricity, Mining and Forestry Sector (7),

Pasarihnak. Industrial Sector (6), Pariatnak. Transport, Communication and Construction Sector (14), Pakuanak. Social Sector (21), Pahranak. Management Sector (19), Hleikhatnak. Management Sector (11), Hleihnihnak. Judicial Sector (11). Total Sectors (120). Chin State ah Township (9) a um caah State Hluttaw Members (18) thim khonak nawl kan ngei. Hi State Hluttaw Members pawl nih hin (Legislate) an tuah kho mi cu (Schedule II) chung ah Sector (41) (Constitution 2008 – Original) ah a um i, (2015 July 22 Amendment ning in 45) a um. (Detail cu hi ka link ah hin zoh khawh a si: hika hi voikhat in hmat

Hi Sectors kong pawl ah hin Chin State Hluttaw nih (Legislate) (Dan le Dun) an serh hnga ding a si. Hi pin ah hin, a dang zei hmanh an (Legislate) tuah khonak nawl 2008 Constitution nih a pek hna rih lo. (An remh than ah cun tam deuh an ngah te ko lai. Remh ding cu, Union Hluttaw rian a si i, State Hluttaw nih tuah kho mi a si lo.) Cu pin ah (Sector 40 hlei ah Union Hluttaw hna tlak hmasa a herh mi (7) a um rih. Union Hlutaw nih hna tlak pi lo ah cun, Kawl phung thluk bantuk in “Pekcu asi ko nain, kan ngah lo” ti mi a si hawi.

STATE HLUTTAW Pakhatnak. Finance and Planning Sector (11), Pahnihnak. Economic Sector (3), Pathumnak. Agriculture and Livestock Breeding Sector (7), Palinak. Energy, Electricity, Mining and Forestry Sector (5), Panganak. Industrial Sector (2), Paruknak. Transport, Communication and Construction Sector (3), Pasarihnak. Social Sector (7), Pariatnak. Management Sector (3) Total Sectors (41). NOTE: Sector (7) hi Union Hluttaw Nawl Peknak lo in, State Hluttaw nih Legislate (Law) duh ning in tuahnak nawl a ngei lo.Cun, Chin State Government nih hin Ngunkhuai an ti maw? (Tax) a lak kho mi (Schedule V) ning in Items (19) a um. A tlawm tuk rih. Hi hi cu, Chin State Hluttaw ah Chin Party an cak i, Chin State Acozah nih Union Government sin ah a nor kho i, Union Hluttaw nih Legislate an tuah kho ah cun, tam dueh ngah nak lam a um tiah ka ruah.

COLLECTIBLE TAXES BY STATE (Over 19 Items) KAN PHILH MAW KAN THEIH LO DIK? President U Thein Sein chan ah khan, Nationalities Brotherhood Federations (NBF) Director Sayama Chin Chin hruanak in, Tlangcung mi party 20 hlei i, hruatu upapawl, Hluttaw Members pawl he Yangon le Naypitaw ah workshop le seminar vawi tampi kan rak tuah i, 2008 Constitution Chapter (8) chung i “Citizen, Fundamental Rights and Duties of the Citizens” le Principles Article (22) hi hmang in, Union Level ah “Ministry of Ethic Affairs” ti mi Union Hluttaw nih Law an serh khonak hnga ding ah rak i zuam a si.

Acozah lei in, President U Thein Sein, U Soe Thein, U Aung Min le Cabinet Members pawl nih an hna atla. Union Hluttaw lei in, Pi Za Tlem le Shan, Mon, Karen etc., pawl hna nih U Thura Shwe Mann sin ah an chimh ve tik ah fawi te in Law an an serh kho i, President U Thein Sein nih 2015 February 24 ni ah Min a thut i, Law ah serh a si. Detail zoh a duh mi cu, hi ka link ah hin zoh khawh a si. hika hin zoh khawh rih asi

Ka laica nih ai pha zo lo caah, Mirang ca in an tial mi hi ka rak tar lang. Lai ca a thiam mi hna nih rak kan leh piak kho u law kan tha hnem ngai lai tiah ka ruah. 1. To preserve and develop ethnic’s historical heritage, national characters, customs, culture, fine art, literature and languages; 2. To promote socioeconomic development including education, health, economy, transportation and communication, so forth, of less-developed ethnic groups; 3. To preserve and develop language, literature, history, fine art, culture heritages and customs; and, 4. To create flexible environment for preserving the ethnic groups original characters.

Kan van chiatnak cu, hi kong lam a kan theih pi tu, President U Thein Sein hruai mi USDP kha Thimhnak ah an sung i, NLD a cozah an tuan tik ah, zei bantuk ruahchannak le duhsaknak he hi bantuk “UNION MINISTRY OF ETHNIC AFFAIRS” hi a hram an rak i thawk i, a rak chuak ti mi a taw le a lu hmanh a thei lo mi Union Minister tuan vo an pek tik ah, san tlai lo bik Ministry ah ai chuah. Pumpak in, zei hmanh hautnak le duhsaknak ka ngei hrim hrim lo na in, Tlangcung mi Political parties (20) hlei le, a bawmh chan tu vialte, le a kan duh sak tu vialte i, kan zanmang le chunmang vialte cu, nawlcek ah a tla bak tuk tiang i, ka lung ah a tang peng.

2020 Election hnu ah, Tlangcung mi hna lak ah, UNION MINISTRY OF ETHNIC AFFAIRS hi athawng mi UNION MINISTRY Pakhat ah i cang kho seh law, a tu lio Campaign ah State le Division level ah siseh, Union level ah siseh, Ethnic Affairs level ah siseh, kan i timh hna hi tlam a tling deuh lai timi ruah channak ka ngei. Cu caah, 2008 Constitution fiang te in kan theih a herh i, 2008 Constitution ning te in, kan tuah kho mi le tuah kho lo mi, kan i fiang taktak zong a herh ngai ko ruah tiah ka ruah. 2008 Constitution ning si lo in, kan saduh that mi lawng kan chimh sual lengmang ah cun, lih a chimh mi hna kan lo sual lai. Credit: Dr Ngun Cung Lian

Be the first to comment

Leave a Reply

Your email address will not be published.


*