SUPREME COURT AH DONALD TRUMP NIH ATEI LAI ZUMH A UM

Supreme Court Ah Trump Nih Ateite Ding Zumh Aum.Trump a that ruang le biachim a thiam a hmurka a thlum ruangah si lo in, Pathian min zah pi lo te in vawlei cung zung lakah a sang bik pawl asi mi, white house cabuai in Pathian min le bible ca ii tleih in bia a chim lengmang ruag ah le Pathian minung asi mi khrihfa mi hna he neihniam te in a um ruang ah, a mah a tanh i teinak hmu seh ti a duh piak tu hna nan lung dong hlah uh.

Pathian sin tu ah thlacam uh. Teinak cu Pathian ta asi. Democrats pawl nih cun teinak hmuh nak asi ah cun, zeibantuk thil poh an tuah dih ko lai, mi thalo he zong rian an tuan ko lai, me nan kan pek poh asi ah cun nan duh mi poh kha tuah cio ko uh, nan duh ning in khan nung cio ko uh an ti ko lai. Asinain trump cu khatikhan asi ve lo, pathian bia ning deuh in a kal mi asi tikah, vote hmuh nak ding men ah mi zeipoh he rian a tuan mi asi lo.

Asinain Democrats pawl nikum an tuanbia kan theih mi ah cun, a hman lo ning in hrwakhrawl vote tampi an thlak ti asi. Tahchunhnak ah minung pakhat min in vote pali panga te hna aum, cun a thicang mi min te hna in vote tampi aa thla ti a si.Cucaahcun Republican lei nih hin an zumh hrimhrim hna lo nak cu a si ii, tukum zuamnak zong ah campaign zong cu tluk in an tuah fawn lo, a fir in fir tu kha an bawmh deuh mi asi.

Cun, vote zong kha pumpak in kal in va thlak nak in mail in kuat kha thazang an pek deuh. Aruang cu mail in an kuat ah cun a karlak ah lih le hrawkhrawl in cawlcangh nak can a tam deuh lai ti an ruah caah asi. Mah ruang ah hin trump nih a zumh hna lo caah, supreme court ah a kal pi hna lai ii, tha te in an zoh fel than lai ii, a hman lo mi tampi an hmuh lai ii a donghnak ah cun TRUMP nih a tei than te ko lai.

A donghnak ah bible tuanbia tawite in thazang pek kan duh mi hna cu; siangpahrang cauk pahnihnak chungah kan hmuh mi cu, David fapa Adonijah nih khan amah nawl in siangpahrang tuan aa tim ii, prophet le tlangbawi le David ralbawi asi mi Joab he tiah raithawinak an tuah ti asi, Cu tikah mah kong cu Solomon nu Batshiba nih a theih tikah, siangpahrang David sinah a va kal ii, ziah ka bawipa na fapa Solomon nih ka siangpahrang rian a ka chan lai tiah bia na ka kamh lo ma tiah a va ti ii, David nih a leh mi cu, Solomon nih ka siangpahrang rian cu a ka chan ko lai a ti ii, Solomon cu a siangpahrang rian cu a pek ti kan hmuh.

Cu thawng cu Adonijah nih a theih tikah, a thin a phang tuk ii biaktheng tung kha a va tleih i, Solomon nih ka that lai lo tiah bia a ka kamh lo ah cun ka tum lai lo tiah ati i, Solomon cu an va chimh tikah bia ka kam ter lai ii, a biakam mi a zulh ah cun a thi lai lo tiah a ti i, Adonijah nih cun bia cu ka kam lai ii ka biakam cu ka zulh ko lai ati ve i, a nunnak cu a luat ve ti asi. Asinain a hnu ah a biakam nak cu a zulh khawh lo caah thah asi ii, a nunnak cu a liam than ee, tiah kan hmuh.

1 Siangpahrang 2:15 “Cun amah nih cun, “Pennak hi keimah ta a rak si i Israel mi vialte nih amah nih a kan pen lai tiin an rak ka ruah dih ko, ti kha na hngalh; sihmanhsehlaw pennak cu a lu taw aa let i ka unaupa caah a cang, zeitintiah Bawipa nih a pekmi a si. 1 Siangpahrang 1:50-51 Cun Adonijah nih Solomon kha a ṭih i cucaah a tho i a kal i biakṭheng ki kha aa tlaih hna. “Cun Solomon cu an chimh i, “Zohhmanh,

Adonijah nih Solomon Siangpahrang kha a ṭih; zeitintiah, zohhmanh, biakṭheng ki kha aa tlaih hna i, ‘Solomon Siangpahrang nih a salpa hi vainam in ka that lai lo,’ tiin ka sinah chiat ser hmasa seh, a ti,” tiah an ti. 1 Siangpahrang 2:25 Cucaah Solomon Siangpahrang nih Jehoiada fapa Benaiah kha a hei thlah; cun amah nih cun a tuk i a thi. Mah tuanbia bantuk in hin, Pathian a tih ii a mah aa bochan mi Trump nih hin a donghnak ah cun teinak a hmuh te ko lai ti hi ka zumh nak asi. Credit: Biaktin Hmung.

Be the first to comment

Leave a Reply

Your email address will not be published.


*