SUAL RAK KAN PHAW HLAH UH, THANTLANG HUMH HIM KO HNA SEH, KHUABAWI PA

Thantlang No 3 khuabawi Pu Tum Bik nih sual rak kan paw hlah tiah a chim. Kan khammi ruangah ngeihchiatuk ding asi lo tiah a chim. Tuzan Kawlram lei caan i, kan fanu Sui Hlei Tial ruak vuinak konghe pehtlaiin The Hakha Times nih Thantlang khuanu khuapa hna cu online in live biahalnak an tuah hna.

Tampi a ngai cangmi zong kan um kho men nain a ngai lo tampi kan um hna lai tiah zumhnak kan ngei. Tutan biaruahnak cu a ropui taktak khi asi.Thil sining fiang cikcek in an langhter hna. Kan farnu Sui Hlei Tial ruak vuinak konghe pehtlaiin vawlei cung Chinmi vialte lungfak in kan um dih hna. Aruang cu rampi pahnih nih hnatlaknak an tuah cangmi kan farnu Sui Hlei Tial hi zeiruangah dah Thantlang nawlngeitu hna nih khuachung ah aruak luh an sian lo.

Zeiruangah dah lamkam ah an vuiter hna. Zeiruangah dah hawisin thlanmual te ah a ruak an vui duh lo tiah lungtlin lonak an langhter cio hna. Tutan ruak vuinak kongah khuakhang laireltu taktak tiah ruahmi cu Thantlang penguk le Thantlang Dr pa an si tiah an chim. Anmah pahnih hi tutan ahcun ruak khuachung luhpi a duh lomi an si tiah chim le theih lengmang cu asi.

Hi konghe pehtlaiin tutan Thantlang No 3 khuabawi Pu Tum Bik biachim cu lung attha lo ngaingai. Abiachimmi ruah lengmang tikah kan farnu Sui Hlei Tial ruak lamkam vui or khuachung luhpi an sian lomi cungah nawlngeitu khuakhan lairelnak hi an palh bak lo ti khi a si. Abiachim mi tampi kan ngai cio hna lai tiah kan zumh.

Pu Tum Bik hi tutan thil a cangmi chungah amah umnak sang khuabawi bak khi asi tiah an chim. Amah hmanh nih hibantuk in bia a chim ahcun a lungput sining vialte theih khawh dih asi. Pu Tum Bik nih a chimmi cu kannih biatak tein ai ralring dingmi kan si i, tawlreltu hna nih khua an khanmi hi a ttha bak tiah ka ruah tiah a chim.

Acung kan chimcia bangin Pu Tum Bik nih hin tutan kannau Sui Hlei Ttial ruak vuinak kongah cun khuakhang laireltu hna hi an palh bak lo tiah a dirpi timi hi hmuh khawh asi. Pumpak nih zeitik dek nan ruah cio ning asi. Pu Tum Bik Thantlang No 3 khuabawi biachim hi zeitindah nan ruahning asi. Tlamtling tein video in rak ngai cio uh. hika hi voikhat in hmatlaw kawlpawl a dirkamhnak cu na zoh in na ngeih khawh lai

Be the first to comment

Leave a Reply

Your email address will not be published.


*