SHARE CIO UH, RAMCHUNG LEI NIH CDM CAWLCANGHNAK AH RALRIN DING AN TIMI

CDM Cawlcaanghnak ah Ralrin ding tiah ram chung lei nih an ruahmi: Ramchung ramleng um nu le pa u le nau, bu hna nih ramchung cawlcaanghnak CDM caah zeizah kan kawl i zeizah kan bawmh hna timi kha zapi hmuhmi ah laanghter tuk ti lo ah a tha deuh men lai. Bank in zarhkhat ah ATM in sing 5 le cash in sing 20 lawng chuah khawh ding an tuahmi hi ramchung ramleng bawmhnak khamh duh ah a si. Ramleng bawmhnak an tih ngai.

Ramchung i upa pa 7 hna (ZZ le eden CK..) te pawl nih an bawmhnak FB ah an post tik ah an tlaih dih colh hna. Bank paohpaoh in mobile banking in online phaisa kuatnak zong sing 50 cung kuat ah Central bank in ralkap sin ah an kuat hna. Ramdang bawmhnak a luh khawh lo ding in a kaakip in phih an i zuam i ramleng bawmhnak hi FB ah si lo in messenger group tete in langhter ah a tha.

FB status ah laanghter ah cun kuat khawhnak lam zong a harter chin khawhmi lai. Ramchung a ummi a hlamtu a phawtu le a hmangtu tlaih an timh hna. Atang ah ka uar tukmi le ka ui tukmi nute, a ralṭha takmi, ralkap nih an kah i thimi hmanthlak, upat peknak ah ka tar chih. Credit: Ram chung lei upa. Laknak Vanceuuk Khenglawt

Riot Police Attack, Disperse Protesters at Myanmar Embassy

Relchih:Na Daw taktak Maw? Atu lio kan Kawlram, kan Chin ram kong ruah ah thinlung a fak hringhran ko mu! Thla khat chungah milu 40-50 kan thi, hliam hma tuar a zaza! HOPE- Ruahchannak Nganpi ngeiin pawcawmnak rian le Sinak sang chiah tak in Mifir phu Au hnawh dingah le doh dingah CDM ah kan lut! Hi lio caan ah ka lung ah a chuakmi cu; Israel mi hna nih Bawipa pekmi KANAN ram panh in an kal lio ah khan an Tlang Bawi hna nih Bawipa KUANG cu i put in hmai an sat piakmi kha ka lungah a chuak!

Zumhnak , Thlarau ah a kan cawmtu le a kan hruaitu kan Pastors hna nih Bawipa Bochan buin hmai an kan sat piakmi hmuh tikah hna a ngam tuk hringhran! Kan I ruahchanmi/ kan duhmi uknak kan hmuh hrim hrim ko lai. Mi cheu nih cun Zum lotu hna bantuk in Aulekhuan len ding a si lo, an ti, Bawipa nih a tha bik in a kan khan piak ko lai an ti. Nain Minung lei Kap in kan tuah ding hrim hrim hi a um ve ti hi thei hna usih ti Ka duh!

Moses chan Egypt Ram chung i khua ruahhar le Thihnak rai a tlungmi/ Vancungin a tlami Minte le Manaa hna / Rilipi a cheu i lei ro cungah an kal ,etc.. hi vialte hna hi Israel mi hna nih an tha baatnak pakhat te hmanh tel loin Bawipa nih a tuah piak dih hna! Sihmanhsehlaw, Joshua chan ahcun Bawipa nih anmah kutke tuannak tu thluachuah a pek! Kamhmi ram luh khawhnak dingah Ral an do, An ei awk tirawl anmah tein an i kawl tuan. Cu an tuah/ tuannak ahcun Bawipa Sunparnak a lang!

Cu bantuk cun Atu kan chan ahcun Kanmah hrim hrim in kan tuah/ tuan ve a hau. Eg. Kan pumpak, Chungkhar/ khuatlang le kan ram le kan miphun etc. cu kan tuah/tuannak cu Bawipa nih a kan bawmh lai i Joshua bantuk in teitu kan si ve hrim hrim ko lai. Kan thisen tlai a simi / kan Unau pakhat khat kha mi tha lo hna ruangah Harsatnak a phunphun tuar in a nun a hmang hnga, Cu lio ahcun kan nih Chungkhar hna cu Buh thaw thaw le sa thaw thaw kan rak ei lio pi ahcun,

Kan Unau harsatnak phunphun tuar in a ummi pa cu Pawtam taktak in rak lut kan rawl einak cabuai pawngah cun a thu hnga Aw nemte le bia thlum thlum in hei chawn ning, kan dawt tuk e, kan duh tuk ee tiah ka hei chim len ko hnga, a pawtam tukmi ka hmuh ko Nain, Rawl ka Pek tung lo i ka Kaa lawngin Kan dawttuk kan duh tuk ka timi cu kan Unau pa nih a ka dawt tuk tiah a ruat kho hnga maw? NOOO!!

Kan Miphun le kan ram kan dawt tuk kan ti tawn ciomi kha Harsatnak phunkip tuar in le Rawltam tihal tuar in kchan zeizat maw! Na Dawt lo Zongah Na Pek Khawh” Sihmanhsehlaw, Na Dawt taktak ahcun Pek loin na um kho lai lo. Kan Ram / Miphun kan dawt taktak ahcun Pe hna usih! Pek caan a si! Kan pek ning a dang cio lai; Thlacamnak in, Duhlonak langhternak in(CDM), Cawva in, Chimnak in, Tialnak in. Etc…

Mirang Ral le Japan ral rak doh lio ah khan AUNG SAN nih Mipi Aw in le a Ralkap cheukhat hna aw in a theih pah lengmang mi cu; Kan nih Cu Japan Sal/kut tang kan si/Mirang Sal/kuttang kan si ti kha a si. Ni khat cu AUNG SAN nih cu Bia cu a ruah tikah ah mah ti hin a hmuh; Sal/Mi kuttang/Ukmi kan si ti thinlung kan ngeih chung paoh cu luatnak kan hmu kho lai lo tiah a hmuh, Ralkap cu a auh hna i Mah tihin bia a chimh hna;

Hi hnu ah Japan Sal/Ukmi kan si ti le Mirang Sal/ Ukmi kan si timi ahohmanh nih nan chim kho lo! Mirang le Japan nak in a sang deuhmi Bawi Phun kan si kan doh hna lai i kan thawl dih hna lai tiah a rak ti hna i Amah zong cu ni thok cun TAKHIN AUNG SAN tiah a ti colh ti a si! Cu ve bang Kawl Ralkap Mifir Phu hna nak in a Lianngan deuhmi Miphun kan si kan i theih a hau! Kha hlan vialte chung ah Kawl Talkap Sal kan si/ Kawl Ralkap Uknak tangah kan um tiah kan rak chim tawnmi tih phannak vialte hna kha tlau dih hna sehlaw, Teitu lungput ngeiin doh hna usilaw Teinak Puanzar kan thlai hlan tiang! NA DAWT TAKTAK AHCUN PEK LOIN NA UM KHO LAI LO, LOVE BUILD UP Credit: Bawiram Cungnung

Be the first to comment

Leave a Reply

Your email address will not be published.


*