SAYA RUNG KAW: NIHIN KAWLRAM AH ALAR NGAIMI BIARAL DOHNAK

Nihin Kawlram ah Alaar Ngai mi Biaral doh nak.Auzi um Kawlmi pa Zarni Tike le Netherland ram um Kawlmi Aung min hna Biaral Dohnak. Live in thlah mi asi. A ngai tu 17000 ansi. Mipi nih zoh an duh nak a chan cu: Zarni Thai timi ruang ah asi. Auzi ah a um I DASSK caah Feibuk in Lawbi (Lobby) an tuah piak tu asi. LTT nih Zo Bawi caah rian a ṭuan piak phun kan ti lai cu.

Ko Aung Min timi pa hi 1988 lio ah Tang 9 a kai mi arak si. Cu lio can Anna Sin uk nak Dothlen nak ah Biatak tein Luphum in arak cawlcang mi asi ve. (Tang 9 te nih cun). Rianṭuan ding ah Thailand aphan. Thai cun Zurop ah a kal. Netherland ram mi si nak ahmuh mi pa asi. Rianṭuan bu in caa a cawng. Feibuk le online cawlcang nak ah minthang pakhat a hung si ce. Ramdang um mi NLDLA bu hna caah Film le Video tuah piak tu zong asi.

2009 ah Kawlram ah a rak kir. Kawlram Democracy kong hlathlai tu bu ah a lut. Cozah le uktu hna an ti sual mi le an I ningcang lo nak; chimh phuan tu minthang bik pakhat asi. Tulio cozah nih phungning loin le duh poah in an tlawn len nak kha a chim phuan tikah; Cozah lei ah ṭanh tu hna nih Ral hmuh in an hmuh colh ve. Cu tin cun pakhat le pakhat Feibuk ah bia ral an I doh nak in Hi bantukin: Hmun khat ah to ṭi in BIARAL don nak tiang an hung phan cu asi.

Cuticun Auzi um Zarni Thai timi NLD Lawbi pa le Kawlram um Aung Min hna hmai ton in BIARAL DONAK tiang an hung phan. Aung Min hi a mah Page ah Duh poah in an volh an pamh mi pa asi. NLD cozah thazang derh nak kha a ni chiar ti awk in mipi a hmuh sak hna caah asi. NLD Lawbi minthang Zarni Thai nih hin Mipi lungthin cu a lak chin chin ve.

Mipi nih an ngeih btk in biaral dohnak belte a ropui lo I a linsa fawn loh. Auzi Lawbi pa (NLD ṭanhtu pa) cu ruah lo pi in hmaichia ngai ngai in asung diam caah asi. Biahmaiṭhi bak ah an minung pa asung cu ta. A zohtu thong hra leng hmai ah mit hmai senduk pi le; zohchiat Khenhrut le ningzak ngai in; mual a pho caah: NLD Lawbi vialte hna Ar-ko in a um ter hna.

Ko Aung Min nih bia a hal mi hna hi MUCU bia hal phun te khi asi ko. BIAPIPA hmanh khi asi lem lo.Nauthlum te “Zeiruang ah dah DASSK hi na ṭanh” tiah Ko Aung Min nih a vung hal. A phi zawk zawk khawh ti lo. Azoh tu hna nih Kan phone tang kaa a kal tuk cang tiah an zai len cang. Nain Rampi kan dawt cu teh ti phun in Lung sau thin fual in a phi ding mi; a hngak cio.

Hawi dang nih nan chim phun te khan a hung leh ve. “A va le afale hna chia tak in Ramkhel ah aa pumpe I, thil lian ngan a tuah caah asi” tiah Zarni Thai nih cun a hung leh ve. Abia bang in Ko Aung Min nih “DASSK cu thil lian ngan a tuah na ti mi hi zeidah a tuah mi cu asi. Na ka chimh kho hnga maw” tiah a hal ṭhan.

Zarni Thai nih “8888 dothlen dah ti locun zeidah aum ti” ti phun in ning hngalh ngai in hmakthat te ah: Likmalek a hung leh cawlh ve. Kawlram Democracy dothlen nak a theih thlu lo mi Bawhte le ngakchia hna nih bia leh phun khi asi diam ai. Hnap kher tam tak tak mi Ngakchia hna nih an theih kho tluk cio te lawng a theih mi NLD Lawbi, Zarni caah mi kip nisawh ding lawng te asi cang. Ko Aung Min le 8888 Democracy dothlen tu Sianghleirun Hruai tu hna caah: nichuak capo khi asi ko hen cu.

DASSK Kawlram a phan hlan ah 8888 dothlen nak cu a rak thawk diam cang: ti kha arak theih hrim ti lo; NLD Lawbi pa nih hin. 8888 Sianghleirun hna nih ANNA SIN Ni Vung Socialist Cozah doh hram an rak thawk hi 1987 September thla ah a rak si. Cu lio ah DASSK cu Ramdang ah a um I ram dang mi asi rih. Kawlram Ramkhel kong pelte hmanh a rak theih ve lo lio can asi.

A lung ah Kawlram Ramkhel kong hi pelte tal a ruah lai; ti khawh asi lo lio can asi. Democracy Ralkap kung cung hmin hna cu; Kawlram um Ramkhel Upa hna le; 8888 upa hna tu an rak si deuh kha: Zarni nih arak theih bak ve ti lo. DASSK hi cu Lampi ah aa ton sual i: Vok kuang lawng aa cit mi btk le; Lam tanṭim in Leilawng dirh ter in: a cuang mi btk; a rak si kha, Zarni nih a ruah awk a rak theih hrim tilo.

DASSK nih Nobel Peace Prize (Vawlei pi huap Dindeih nak Laksawng) a hmuh nak kong ah; bia elh nak ah; aa mer ṭhan. Zarni nih Ngakchia rawl pe lio mi biachimh phun in a hung leh ṭhan. NLD Lawbi hna an lung rawk Chin chin. Saya Amatdin nih a ṭial mi (Daw Suh nih a phi khawh lomi phungphai hna) timi cauk kha a rel bal ve rua lo.

Ko Aung Min nih “DASSK nih Kawlram caah Zeidah a tuah i; Zei btk hna dah a tuah cang” tiah a hal ṭhan. Zarni nih a phi khawh tilo. Ui thih Ar thih in a thi diam ai.Ko Aung Min nih; “Zeiruang ah dah Eihmur nak Dohtu Komiṭi Lutlai hi rian an pek?” tiah a hal than. Fawizang tein Zarni nih a leh khawh ti lo. U Win Ṭhin btk in, na bia hal mi a ṭha uk, Nain kan leh lai lo, Kan leh ahcun kan I hlihphuah dih sual lai, ti phun in leh ding zong asi ko.

Zarni tu nih cu, “Vei, Vei, Zei Kan ti laa, Zei kan ti laa, Zei kan ti laa,” tiah Chin NLD LAWBI pa: btkin a ti le a leh khawh bak ti lo. Mipi ni Vei Ni Thai tiah min an pek diam ai. “Eihmur nak kong he pehtlai in NLD cozah cung ah ka lung a tling” ti tu in; Zarni nih bingtalet in a leh diam ai. U Htay Aung nih rak phi piak ding phun in a um cang. 2017-2018 Rangoon Ramṭhen Cazi check tu pa I cazin kha Hlutdaw ah an phuang ngam lo mi: Achimh phuan tu: Rangoon MP Palai hna chimh ter ding phun in thil aa chuah cang.

Ramdang lei ba kong an chimh ṭhan. An cazin le an kanan phun hnih in a hung I chuah diam ai. Ko Aung Min nih Bahu Bank I cazin (Burma Gazette) ning in a chimh ko mi cu Zarni nih tawnte elh in a elh hoi ai.Ko Aung Min biahal nak hi a tluangtlam mi le a fawi tuk mi asi nain, Ko Zarni nih a ti khawh bak loh. Hi tluk in a tluang tlam mi le a fawi mi bia hal nak asi ko mi cu: chirhchan le a hram um lo mi: bia hna in Zarni nih a leh mi an zoh tik ah NDL le Pi Ci cung ah lung hrin nak le zumh lo nak a karh chin chin.

Nain Zarni hi thangthat ai tlak nak tete an um pah len. Ko Aung Min I bia hal nak kha a thil sican ning le NLD cozah an si ning le an santlai lo ning te bak in a leh mi hi asi. NLD Lawbi vial te Lungrawk ngai in a chiah dih ko hna. Fianter nak: Tulio thil sin cang ning adik mi kha mi pi sin ah theih ter duh nak lungthin le dawt nak he hi caa hi aa tlak ning in ka leh I ka hung tar lan ve. Credit: Saya Rung Kaw