SAYA CUNG NIH LUNGPANG AH LUNGTHI ALAK LIO TTIHNUNG BAK: VIDEO

Lai sii vialte lak ah attha bik mi sii cu Lungthi hi a si. Lungthi cu khoika hmun le hma paoh a ummi a silo caah, Laitlang zongah a har ngaingai ve mi asi. Culawng siloin Lungthi a umnak cu a sang taktak mi le ttih a nung taktak mi Lungpang ah a ummi a si caah zapi ko nih cun lak khawh asi tawn lo. Ahar zong a har bak i, alak zong ttihnung taktak mi asi.

Lungthi lak dingah hin hawi hlei in Lungpang kai a thiammi lawng nih an lak khawh mi asi. A minung paoh zong nih lak khawh mi a si lo. Lungthi cu kan theih dih bangin Lai sii vialte lak ah a ttha bik mi sii asi. Aman zong hi a fah lo awk hrimhrim a ttha lomi asi. Zei caah tiah a cung kan chim bangin alak a fawimi asi lo pin ah khoika paoh a um lomi asi.

Cun Lungthi a umnak Lungpang siseh, zeitluk indah Lungthi lak a har ning a si timi cu tutan ah zoh khawh asi cang. Zeitluk in dah ttih a nung zong na theih khawh lai. Na theih hnu ahcun Lungthi man afak tuk tiah kan ti ngam ti lai lo dah. Tutan ah Saya Cung nih video in a vun langhtermi ah afiang dih. Cun Lungthi a tuahning cang zong video in alanghter tthan.

Lungthi zongah hin a ttha deuhmi le a chia deuhmi a um, tthenkhat cu Lungthi kha chuancia in a zuarmi zong an um. Cu an chuan cangmi Lungthi cu a sit tilo tiah an chim. Saya Cung nih alakmi Lungthi a zuarmi tucu soisel awk pakhat hmanh a um lo, a sit taktak mi Lungthi a si. Lungthi a cawtu hna zong nih an fak ngaingai mi asi.

Cucaah Lungthi cawk a duhmi paoh nih cun amah sin ah cawk ding asi. Lungthi a tuahning cang siseh a dinning a sining vialte zong tlamtling tein video ah alanghter. Lungthi cawk a duhmi kan um ahcun amah sin hrimhrim fuhpanh bak dingmi asi. Lungthli alak ning le atuahto ning vialte theih le zoh a duhmi hna nih hika hi voikhat in hmehpiak law amah pumpak nih a chimmi video siseh atuahning vialte zong zoh khawh asi

Be the first to comment

Leave a Reply

Your email address will not be published.


*